Сийлбэрийн урлал эртнийхт урлагийн төрөлд тооцогддог ч сийлбэрийн нэг төрөл болох мөсөн сийлбэр харьцангуй залуу. Манай улсад ч хожуу хөгжиж эхэлсэн сийлбэрийн эл төрөлд монгол залуус богино хугацаанд хурдан суралцсан.
Тиймдээ ч сүүлийн жилүүдэд болж буй олон улсын чанартай мөсөн сийлбэрийн тэмцээнүүдээс хэд арван медаль хүртээд буй.
Тэгвэл мөсөн сийлбэрийн арга хэмжээнүүд дунд багагүй нэр хүндтэй Харбины мөсний олон улсын фестивальд манай сийлбэрчид амжилттай оролцож, бүх медалийг авчээ. 32 дахь удаагаа зохиогдож буй уг наадам дөрөв хоногийн турш үргэлжилж, наадмын үеэр урласан бүтээлүүдийг сарын турш байрлуулж, үзэгчдийн хүртээл болгох аж.
