Гар утас, компьютер, автомашины хөгжим, тоглуулагчийнхаа дуунуудаас хэдийнэ уйдчихсан уу. Гэсэн ч сүүлийн үеийн сонсголонтой дууны нэр санаад орохгүй байх үе бидэнд цөөнгүй тохиолддог. Яг энэ үед танд хэрэг болох хөгжмийн цахим хуудсын жагсаалтыг хүргэе.
1. Last.fm
Бүхий л төхөөрөмж дээр тоглуулах боломжтой сүүлийн үеийн 60 хит дууг санал болгодгоороо www.last.fm сайт бусдаас онцлог.
2. Music-map
Уг сайтад гишүүд нь групп үүсгэн санал бодлоо солилцохоос гадна олонх гишүүдийн таашаалд нийцсэн дуунуудыг танд санал болгодог давуу талтай.
3. Inmood
Inmood сайт сан дахь дуунуудаа хэрэглэгчийн сэтгэл санааны байдалд тохируулан тоглогдохоор ангилсан байдаг. Та ганцаардаж, уйтгарласан үедээ хань болж сэтгэлийг тань сэргээх дуунуудыг олон товчлуур дарж эрж хайхгүй сонсох боломжтой.
4. Stereomood
Stereomood ч бас сан дахь дуунуудаа ангилсан байдаг. Inmood-ээс ялгаатай нь та санаанд орсон дурын үгээрээ хайж, харин тус сайт хайсан үгэнд тань нийцэх ангиллыг санал болгох болно.
5. Billboard
Billboard-ын жагсаалтад багтсан шилдэг 100 дууг эндээс сонсож болно.
6. Jango
Орос дуунуудад дуртай бол энэ сайт танд таалагдах болно.
7. Music.yandex
Yandex дуунуудаа урсгал төрлөөр нь ангилж, тухайн урсгалын сүүлийн үед хит болоод буй дуунуудыг нь эхэнд нь байрлуулж жагсаадаг.
8. Soundcloud
Ая зохиогчид ч өөрсдийн профайлыг үүсгэн бүтээлээ олон нийтэд танилцуулдаг. Тиймээс сүүлийн үед ая зохиогчдоос хэн нь трэнд болж буйг эндээс тандах боломжтой.
9. 8tracks
Сэтгэл санааны байдалд тохируулан плэйлист гаргаж өгдөг сайтууд олон байдаг ч ихэнх нь дууны жагсаалтыг сайтын удирдагчид автоматаар тохируулсан байдаг. Харин уг сайтад та өөрийн гараар плэйлист үүсгэж, эсвэл нэмж хасан засаж болдог онцлогтой.
10. Gnoosic
Уг сайт таныг таалагдсан дуундаа лайк дарчихвал ижил төстэй дуунуудыг санал болгодог.
