Нийслэлийн “Улаанбаатар” чуулга ардын уламжлалт өв соёлыг олон нийтэд түгээн дэлгэрүүлэх, хүүхэд залууст гоо зүй, спортын хүмүүжил олгох зорилгоор 2015 оны арванхоёрдугаар сарын 5-ны өдөр хүүхэд залуустаа өөрийн тайзнаа тайлбарлах сургалт, үзүүлэх тоглолт зохион байгуулах гэж байна.
"Сургалт танилцуулах өдөр-2015" хөтөлбөрийн хүрээнд Монголын үндэсний битбоксын холбооны тэргүүн, “Улаанбаатар” чуулгын дуучин, СТА Б.Нарандэлгэрийн битбоксын тайлбар хичээл, break dance, морин хуур, уртын дуу, хөөмий, ардын бүжиг болон "Дуэль" туялзуур сэлмийн клуб, Япон сэлмийн тулааны урлаг кендогийн үзүүлэх тоглолт болох юм.
Энэхүү үйл ажиллагаа нь үнэ төлбөргүй бөгөөд тухайн өдөр хүрэлцэн ирсэн бүх хүнд сургалтдаа хөнгөлөлттэй үнээр бүртгүүлэх боломж олгох гэнэ.
