"Авьяаслаг монголчууд" шоу нэвтрүүлгийн хагас шигшээ шалгаруулалтын хоёр дахь хэсгийн шилдэг хоёр оролцогч дөнгөж сая шалгарлаа.
Эцсийн шатанд Говь-Алтай аймгаас ирж оролцож буй бүжгийн "Янзган хүрээ" хамтлаг, дуучин О.Баярсайхан нар шалгарлаа.
Хагас шигшээ шалгаруулалтын эхний хоёр хэсгээс үзэгчдээс хамгийн олон санал авч, эцсийн шатанд тэнцсэн оролцогчид болох А.Отгонбаяр, О.Баярсайхан нарын хувьд сонирхолтой гэмээр олон давхцал бий. Тэд хэсгийнхээ хамгийн сүүлд үзүүлбэрээ толилуулсан оролцогч болсныг уншигч та хэдийнэ анзаарсан байх. Түүнээс гадна тэд хоёул баргил хоолойтнууд, хоёул Дарханаас оролцож буй.
Магадгүй тэдний дуу цөөтэй даруухан байдал, сэтгэл хөдөлгөм уянгын дуунууд, чин сэтгэлээсээ дуугаа амилуулж буй нь үзэгчдийн сэтгэлд ойр байсан биз ээ.
