Энэ оны эхэнд “Монгол уран бүтээл” төслөөр дамжуулан ахмад, дунд, залуу үеийн хөгжмийн зохиолчдын дуу болон том хэлбэрийн бүтээлээр тоглолт хийж, үзэгчдээ баярлуулсан Улсын филармонийн Морин хуурын чуулга, симфони найрал хөгжим, Баянмонгол чуулгынхан хамтран энэ улиралд “Сонгодог хөгжим” хөтөлбөр хэрэгжүүлэхээр болжээ.
Дэлхийн алдарт хөгжмийн зохиолчдын бүтээлийг аравдугаар сарын 15-нд болох тоглолтынхоо үеэр морин хуураар эгшиглүүлэх бол, 17-нд симфони найрал хөгжимчид суутнуудын бүтээлийг эх хувиар нь сонсгох юм.
Сэтгэлийн таашаал эдлүүлж, урам зориг хайрлах “Сонгодог хөгжим” хөтөлбөрийн цуврал тоглолтын хуваарийг хүргэе.
2015.10.15 Морин хуурын чуулга “Дэлхийн хөгжмийн дээжис”
2015.10.16 Баянмонгол чуулга “Coconuts baby”
2015.10.17 Симфони найрал хөгжим “Дэлхийн хөгжмийн дээжис”
2015.11.13 Морин хуурын чуулга Ж.Бизе, Р.Щедрин “Кармен сюит”
2015.11.20 Баянмонгол чуулга “City swing”
2015.11.22 Симфони найрал хөгжим В.А.Моцарт, Л.В.Бетховений симфониуд
2015.12.24 Баянмонгол чуулга, Морин хуурын чуулга, Симфони найрал хөгжмийн хамтарсан тоглолт "SNOW MELODY"
