“Фэйсбүүк”-ийг санаачлагч Марк Цукерберг удахгүй “dislike” товчлууртай болно гэж хэлжээ.
АНУ-ын Калифорни муж улсын Менло-Парк хотод “Фэйсбүүк” компанийн төв байранд болсон “Асуулт ба хариулт” нээлттэй хуралдааны үеэр өдгөө 31 настай Цукерберг хэлэхдээ, “Энэ товчлуур нь хүмүүс бусдад өөрийн бодлоо ойлгуулж, санаагаа илэрхийлэх нэг арга зам болно” гэжээ.
2009 онд “like” товчлууртай болсноос хойш “dislike” товчлууртай болох хүсэлтийг хэрэглэгчдийн зарим нь удаа дараа гаргаж байжээ.
“Хүмүүс “dislike” товчлууртай болохыг олон жил хүссэн” гэж Цукерберг хэлсэн байна.
ЭХ сурвалж: BBC
