Сүүлийн үеийн хит дуунуудыг хөгжим сонирхогчид пянз, кассет, цомог, флэшээр дамжуулан сонсдог байсан бол бол технологийн эрин зуунд интернэтэд холбогдсон утастай байхад хүссэн газраасаа татаж аван сонсох боломжтой болсон. Тиймээс “Опозит” хамтлагийн залуус ирэх долоо хоногт “Цагаан баавгай” цомгоо аппликейшн хэлбэрээр App болон Playstore-т тавихаар болжээ.
Монголын анхны аппликейшн цомог хэрэглэгчдэд хүрч байгааг тохиолдуулан “Опозит” хамтлагийнхан энэ сарын 25-нд “Gandan View”-д тоглолтоо хийх гэнэ.
Дашрамд сонирхуулахад, таван жилийн турш дуншсан хоёр дахь цомог “Цагаан баавгай”-гаа “Опозит” хамтлагийнхан өнгөрөгч дөрөвдүгээр сард худалдаанд гаргасан байна.
