Энэ сарын 2-нд “Skyresort”-д нээлтээ хийсэн “Car cinema” дараагийн үзвэрээ өнөөдөр толилуулах гэж байна.
Машины зогсоолд дэлгэц байрлуулан машиндаа тухлан кино үзэж, цагийг сонирхолтой өнгөрүүлэх боломж олгож буй “Summer Events”-ийн хамт олон энэ сарын турш үзэгчдэд кино үзвэр толилуулах аж.
Гадаа талбайн арга хэмжээ учир цаг агаарын байдлыг харгалзан үзэж, цэлмэг өдрүүдийг сонгон, үзвэрээ толилуулж буй.
“The Notebook” киногоор нээлтээ хийж байсан уг арга хэмжээ өнөөдөр болон маргааш "The Best Of Me" болон "Romance" киног үзэгчдэд хүргэнэ. 20.000 төгрөгийн тасалбартай үзвэрт ирсэн үзэгчид киноныхоо дууг 88.9 долгионоор сонсох гэнэ.
