10 жил, 20.000 доллар
Зимбабве улсын Засгийн газар Америкийн шүдний эмч Уолтер Палмерыг шүүхэд өгчээ. Тэрбээр тус улсын үндэсний цэцэрлэгт хүрээлэнгийн хамгийн алдартай эрэгчин бар Сесилийг хууль бусаар агнаж, толгойг нь авч явсан гэнэ. Ганц бар биш, хирс, гөрөөс зэрэг өөр хэд хэдэн амьтан агнасан хэмээн сэжиглэгдэж буй америк эмчийн буруутай нь тогтоогдвол 20 мянган ам.доллараар торгуулахаас гадна 10 хүртэл жил шоронд хоригдох юм байна.
126 зогсоол
АНЭУ-ын Дубай хотын нийтйин тээврийн 126 зогсоолд сэрүүцүүлэх иж бүрэн төхөөрөмж суулгажээ.
1.6 дахин том
Сансрын дуран “Спитцер”-ийн тусламжтайгаар дэлхийгээс 21 гэрлийн жилийн тэртээд цэнхэр гаригтай нэлээд төстэй гариг байгааг илрүүлж “HD 219134b” хэмээн нэрлэсэн талаараа НАСА өнгөрсөн пүрэв гаригт мэдээлжээ. Энэ нь саяхан “Кеплер” дурангийн илрүүлсэн “Kepler 452b” хэмээх гаригаас хэмжээний хувьд жижиг ч гэсэн дэлхийгээс 1.6 дахин том аж. Мөн дэлхийтэй харьцангуй ойрхон гэдгээрээ онцлог гэжээ.
125.000 доллар
Зөвхөн Хятадын Фуцянь мужийн Уи ууланд тариалдаг “Да хун пао” сортын навчин цайны нэг грамм нь ойролцоогоор 125.000 ам.доллар гэнэ. Да хун пао гэдэг нь хятадаар том улаан нөмрөг гэсэн утгатай үг аж.
700 дахин олон
Ганцхан цаг чихэвч зүүхэд чихэн дэх нянгууд 700 дахин үрждэг гэнэ.
