Аялал жуулчлалын зах зээлээ идэвхтэй хэвээр нь хадгалж чадах уу
Манай улс өнгөрсөн онд түүхэндээ хамгийн олон буюу 651 мянга гаруй жуулчин хүлээн авч, “утаагүй үйлдвэрлэл”-ийн салбараас төвлөрүүлсэн орлогын хэмжээ анх удаа тэрбум ам.доллароос давсан. Цар тахлын улмаас хямарч, уналтад орсон аялал жуулчлалыг сэргээхийн тулд Засгийн газар 2023-2025 оныг “Монголд зочлох жил” болгон зарлаж, хууль, эрх зүйн орчноо шинэчлэхээс эхлээд агаарын тээврийг либералчлах, бүтээгдэхүүн, үйлчилгээг төрөлжүүлэн хөгжүүлэх, олон улс руу чиглэсэн маркетинг, сурталчилгааг идэвхжүүлэх, хүний нөөцийн чадавхыг бэхжүүлэх зэрэг олон талт арга хэмжээг үе шаттай хэрэгжүүлэх эхлэлийг тавьж, улс нийтээрээ хөдөлсөн тул дээрх үзүүлэлтүүдийг “Ковид-19”-ийн өмнөх түвшнээс давуулж чадсан юм.
2024-08-23
Хөв цөөрөм байгуулж, их хэмжээний ус нөөцөлжээ
Аймгууд улс, орон нутгийн төсвийн хөрөнгөөр хөв цөөрөм байгуулж, их хэмжээний нөөц бүрдүүлэн, гадаргын болон гүний усыг хэмнэдэг, гол, нуурын урсцыг тохируулдаг сайн жишиг тогтоож байгааг Засгийн газрын хэрэгжүүлэгч агентлаг Усны газраас мэдээллээ.
2024-08-23
Номын сангуудаа хандив, тусламжаар аргацаасаар байх уу
Аймаг, сумуудад хөшөө нэртэй “цементэн овоолго” босгож, зуу зуун саяар угтах, үдэх хаалга барихын оронд номын сангуудаа өргөжүүлж, сан хөмрөгийг нь баяжуулдаг жишиг тогтооё. Тэгэхгүй бол номын сангууд мэдээлэл, соёл, боловсролын үйлчилгээгээ үзүүлэх, уншигчдын эрэлт хэрэгцээг хангах үндсэн үүргээ биелүүлж чадахгүй, үйлчлүүлэгчдийнхээ хөлд чирэгдэж гүйцэх нь.
2024-08-21
Зарим чиглэлийн автобусыг хуучин “Драгон”-оос явуулж эхэлсэн нь зорчигчдыг төөрөлдүүлж байна
Тус байгууллагын цахим хуудсанд долоодугаар сарын 17-нд нийтэлсэн хуваариар бол Улаанбаатараас Дархан-Уул, Орхон, Булган, Мөрөн, Даланзадгад, Цогтцэций, Цагаан хад, Төв аймгийн Зуунмод, Батсүмбэр, Жаргалант, Сэлэнгийн Сүхбаатар, Улаан-Үд хүрэх автобус хуучин авто вокзалаас, бусад нь “Номин”-гийн болон “Тэнгэр плаза”-гийн зорчигч тээврийн төвөөс хөдөлж буй аж.
2024-08-20
Богдхан ууланд тарвага агнасан хоёр хэрэг илрүүллээ
Улаанбаатар хотын харьяат иргэн З хулгайгаар ан хийснийг тогтоосон бөгөөд өдгөө түүнийг саатуулан шалгаж буй аж. Харин наймдугаар сарын 14-нд гарсан хэргийг Хан-Уул дүүргийн Цагдаагийн II хэлтэст шалгаж эхэлжээ.
2024-08-19
МУИС нэмэлт элсэлт авч эхэллээ
МУИС бакалаврын түвшний зарим ангидаа өчигдрөөс цахимаар нэмэлт элсэлт авч эхэллээ. Элсэлтийн бүртгэл долоо хоног үргэлжилж, энэ сарын 19-нд дуусах бол эрх баталгаажуулалт нь 20-22-нд үргэлжлэх нь. Тус сургууль 2024-2025 оны хичээлийн жилийн бакалаврын хөтөлбөрт оюутан элсүүлэх эхний бүртгэлээ зургаадугаар сарын 24-нөөс долоодугаар сарын 8-нд явуулж, эрх баталгаажуулалтыг нь долоодугаар сарын 16-22-нд зохион байгуулсан юм. Тэгвэл энэ удаа оюутан нэмж элсүүлэх боломжтой, анги нь дүүрээгүй хөтөлбөрүүддээ суралцагчдыг дахин бүртгэж байна
2024-08-13
Баянзагийн хоолойд үер бууж, жуулчид зорчих аргагүй болжээ
Өнгөрсөн долоо хоногийн сүүлчээр орсон борооны улмаас Мандалговь-Даланзадгад чиглэлийн авто зам хэд хэдэн хэсгээрээ усанд автаж, эвдрэн, жолооч нар сонор сэрэмжтэй зорчихоос аргагүйд хүрээд буйг “Зам, тээврийн хөгжлийн төв” ТӨҮГ-аас мэдээлсэн. Тэгвэл Өмнөговь аймгийн Булган сумын нутаг, Арц богд уулын дагуу орших Баянзагийн хоолойд их хэмжээний үер бууснаас тээврийн хэрэгсэл зорчих боломжгүй болсныг орон нутгийн аялал жуулчлалын байгууллагынхан анхааруулж байна.
2024-08-13
Хүрэн баавгайнаас сэрэмжлүүлэв
Хүрэн баавгай суурьшлын бүс, малчдын хотонд ойр орж ирэх тохиолдол сүүлийн үед цөөнгүй гарч байгааг Байгаль орчин, уур амьсгалын өөрчлөлтийн яамнаас анхааруулав. Ялангуяа Сэлэнгэ, Дархан-Уул зэрэг ой бүхий аймагт энэ зун ийм явдал хэд хэдэн удаа бүртгэгджээ. Тиймээс баавгай суурьшлын бүсэд үзэгдсэн тохиолдолд аймаг, нийслэлийн Байгаль орчин, уур амьсгалын өөрчлөлтийн газарт хандах, хүүхэд, эмэгтэйчүүдийг хараа хяналтгүй орхихгүй, малд явуулахгүй байх, машин техник болон харилцаа холбооны хэрэгслийн бүрэн бүтэн байдлыг хангахыг дээрх яамнаас иргэдэд зөвлөв
2024-08-12
Зэрлэг амьтан гарч ирж болзошгүй 39 газарт анхааруулах тэмдэг байршуулжээ
Нийслэлийн Байгаль орчны газраас зэрлэг амьтдын нүүдэл, шилжилт хөдөлгөөн, генетик солилцооны нөхцөлийг сайжруулах зорилгоор Богдхан уулын дархан цаазат, Хан Хэнтийн улсын тусгай хамгаалалттай газар, Горхи, Тэрэлж болон Хустайн нурууг холбосон экологийн коридорыг шаардлагатай байгууламжуудын хамт байгуулахаар төлөвлөж буйгаа мэдээлсэн. Тэгвэл эл ажлын хүрээнд тус байгууллагынхан Баянзүрх, Чингэлтэй, Сүхбаатар, Хан-Уул, Сонгинохайрхан дүүрэг дэх зуслангийн бүсийн 110 байршил бүхий 39 газарт зэрлэг амьтан гарч ирж болзошгүйг анхааруулсан тэмдэг, тэмдэглэгээ байршуулжээ
2024-08-09
Өвөрхангайд аянга бууж, хоёр айлын 500 гаруй бог хорогджээ
Өвөрхангай аймгийн Есөнзүйл сумын нутагт энэ сарын 7-8-нд шилжих шөнө аянга буусны улмаас хоёр өрхийн 500 гаруй бог хорогджээ. Тус аймгийн Онцгой байдлын газраас өчигдөр 13.00 цагийн орчимд энэ талаар тодруулахад “Есөнзүйл сумын нэгдүгээр багийн нутаг, Хөндий хэмээх газарт наймдугаар сарын 8-ны 01.00 цагт аянга бууснаас хоёр айлын 500 гаруй мал хорогдоод байна
2024-08-09
Монголд ирсэн япон жуулчдын 70 хувь нь 51-ээс дээш насныхан
Аялал жуулчлалын мэргэжлийн холбооныхон ЖАЙКА-гийн Монгол дахь төлөөлөгчийн газартай хамтран япон жуулчдыг нэмэгдүүлэх ажлуудыг үе шаттай хийхээр болжээ. Манай улсад аяллын зорилгоор ирж буй япон жуулчдын олонх нь 50-иас дээш насныхан байдаг гэнэ. Өнгөрсөн онд ирсэн аялагчдын гэхэд 70 гаруй хувь нь 51-ээс дээш, 30- аад хувь нь 70-аас дээш насныхан байж. Харин 19- 35 насныхан хамгийн бага буюу ердөө есөн хувийг эзэлсэн аж. Талууд цаашид бусад насныхан, тэр дундаа залуучуудын урсгалыг нэмэгдүүлэхэд анхаарч, медиа аяллыг загвар байдлаар хөгжүүлэхээр санал нэгджээ
2024-08-07
Ачаа тээвэр 28.4, зорчигчийн тоо 3.3 хувиар өсжээ
Зам, тээврийн хөгжлийн яамнаас 2024 оны эхний долоон сарын байдлаарх зам, тээврийн салбарын статистик мэдээллийг гаргажээ. Энэ хугацаанд нийт 74.2 сая тонн ачаа тээвэрлэсэн нь өнгөрсөн оны мөн үеийнхээс 28.4 хувиар өссөн дүн аж. Авто болон агаарын тээвэр, төмөр зам гээд бүх төрлийн хэрэгслээр тээвэрлэсэн ачааны хэмжээ өмнөх жилийн мөн үеийнхээс 13.3-37.6 хувийн өсөлттэй гарсан байна.
2024-08-06
Богдхан ууланд алхагчдыг модонд даруулахаас сэрэмжлүүллээ
Богдхан уулан дахь явган аяллын зам, маршрутаар болгоомжтой, сонор сэрэмжтэй зорчихыг тус хэсгийг хариуцсан хамгаалалтын захиргаанаас нийслэлчүүдэд анхааруулав. Хүчтэй аадар борооноос үүдэлтэй аянга цахилгаан, хөрсний гулгалт, салхи шуурганы нөлөөгөөр мод, бут унах тохиолдол сүүлийн үед элбэгшжээ. Үүнээс болж зам, жим хаагдах, иргэд модонд даруулах, бэртэж гэмтэх эрсдэл нэмэгдээд буй гэнэ. Богдхан уулын дархан цаазат газрын ойн санг бүрдүүлэгч моддын 59 хувь нь хөгшин, 25 хувь нь дунд насных байгаа нь цаг агаарын эрс тэс байдлаас үүдэлтэй энэ төрлийн эрсдэлийг улам нэмэгдүүлж буйг байгаль хамгаалагчид дурдлаа.
2024-08-05
Хөдөлмөрийн гэрээгээр ажиллагч гадаад иргэдийн тоо 92.9 хувиар өслөө
Хөдөлмөрийн гэрээгээр цалин хөлстэй ажил эрхлэхээр энэ оны хоёрдугаар улиралд гадаад улсад зуучлагдсан монголчуудын тоо өмнөх улирлынхаас 18.2 хувиар буурч, харин ийм зорилгоор манай оронд ирсэн гадаад иргэд 92.9 хувиар өссөнийг Үндэсний статистикийн хорооноос мэдээлэв. Тодруулбал, энэ хугацаанд Монголоос 265 хүн хөдөлмөр эрхлэхээр гадаад руу явсан бол манай улсад ажиллаж буй өөр орны иргэдийн тоо 15.6 мянгад хүрсэн байна.
2024-08-02
Инновац, бүтээмжийн хэлтэс байгуулав
Байгаль орчин, уур амьсгалын өөрчлөлтийн сайд С.Одонтуяагийн санаачилгаар тус салбарын яамны бүтцийг өөрчилж, Инновац, бүтээмжийн хэлтэс байгуулжээ. Энэ нь байгаль орчин, уур амьсгалын салбарт тулгамдсан асуудлыг шийдэх шинэ санаачилга, инновацыг бий болгох, хөгжүүлэх зорилготой юм байна. Үүний хүрээнд тодорхой нэг асуудлаар холбогдох аж ахуйн нэгж, байгууллагын төлөөлөл, судлаач, мэргэжилтнүүдийг хамруулсан хэлэлцүүлэг, хурлыг яамны хэмжээнд долоо хоног тутамд зохион байгуулахаар болжээ
2024-08-01
Сибирь шинэсний дугтуйт эрвээхэй Хан Хөхийн нуруунд бүртгэгджээ
Увс аймгийн Өндөрхангай сумын нутаг дахь Хан Хөхийн нуруунд Сибирь шинэсний дугтуйт (Coleophora Sibirica flav) болон эгэл бийрэн сүүлт (Lepidoptera erebidae) хэмээх хөнөөлт шавж голомтлон тархсаныг ойн мэргэжилтнүүд тогтоожээ. Эдгээр нь бусад шавжтай харьцуулахад манай оронд ховор тархалттайд тооцогддог байна. Ялангуяа Сибирь шинэсний дугтуйт эрвээхэй Монголд одоогоор зөвхөн Хан Хөхийн нуруунд бүртгэгдээд байгаа гэнэ. Энэ төрлийн шавж хэт олширсноор бусад бүс нутагт тархах эрсдэлтэй тул Өндөрхангай сум дахь ойн ангийн мэргэжилтнүүд Хан Хөхийн нурууны улсын тусгай хамгаалалттай газрын хамгаалалтын захиргааны алба хаагчид, “Сайхан ойн төлөө” ХХК-ийнхантай хамтран устгал зохион байгуулж эхэлжээ.
2024-07-31
“20 минутын хот” хэмээх хоосон амбиц
Дэлхийн томоохон хотууд амбицтай бодлого, алсын хараатай концепцоороо өрсөлддөг болсон. Тэд цэгцтэй төлөвлөлттэй, эрсдэлийн дархлаатай, иргэдэд ээлтэй, аюулгүй, хүртээмжтэй хотыг цогцлоохын тулд өөрийн орны онцлог, хууль тогтоомжид нийцүүлэн урт, богино, дунд хугацааны хөгжлийн бодлого, төлөвлөгөө, үзэл баримтлалыг боловсруулан хэрэгжүүлдэг юм. Энэ бүхнийх нь гол цөмд буюу анхаарлын төвд тухайн хотын оршин суугчид байдаг. Боловсруулж буй бодлого, төлөвлөгөө, хэрэгжүүлж байгаа шийдвэр бүрээ иргэдийн өдөр тутмын амьдралын чанарт сөргөөр нөлөөлөхөөргүй, асуудал бэрхшээл дагуулахааргүй байлгахыг чухалчилдаг гэсэн үг.
2024-07-31
Олон улсын байгууллагууд Төв Азийн шувуудын нүүдлийн замыг хамгаалахад хамтарна
Ханнс-Зайделийн сангийн Монгол дахь төлөөлөгчийн газрынхан манай улсын Байгаль орчин, уур амьсгалын өөрчлөлтийн яам, Зэрлэг амьтан судлах, хамгаалах төв (WSCC)-тэй хамтран “Төв Азийн нүүдлийн шувуудыг хууль бусаар барих, агнах, наймаалах болон дэд бүтцийн хөгжилтэй холбоотой асуудлууд” сэдэвт олон улсын хурал зохион байгуулжээ. Нүүдлийн шувуудыг хамгаалахад тулгамдаж буй хамгийн том сорилт бэрхшээл нь хууль бус ан агнуур, наймаа гэнэ. Хэдийгээр улс орнууд байгаль орчныг хамгаалах чиглэлээр идэвх санаачилгатай ажиллаж, хууль эрх зүйн орчныг сайжруулж байгаа ч энэ төрлийн бэрхшээлийн улмаас нүүдлийн шувуудын тоо толгой цөөрөх, амьдрах орчин нь хумигдах, экосистемийн тэнцвэрт байдал алдагдах байдал газар авчээ
2024-07-30
Манханаас Булган сум чиглэлийн авто замд нуранги үүсэж, зорчих хөдөлгөөнийг хязгаарлалаа
Аадар борооны улмаас эвдэрч, сүйдсэн замуудаа бүрэн засаж дуусаагүй байхад дахин өөр чиглэлд зорчих хөдөлгөөнийг хязгаарлахаас аргагүйд хүрсэн талаар “Зам, тээврийн хөгжлийн төв” ТӨҮГ-аас мэдээлсээр байна. Тухайлбал, энэ сарын 20-24-нд орсон борооны улмаас Хөвсгөл аймгийн Мөрөн сумаас Хатгал, Дорноговийн Сайншандаас Замын-Үүд, Ханги боомт, Булганы Хутаг-Өндөрөөс Тэшиг чиглэлийн авто замд эвдрэл үүсэж, далан, гүүр, гүүрэн байгууламж нурсан тохиолдлууд гарсан. Энэ сарын 26-ны байдлаар гэхэд Эгийн гүүрний сэтэрсэн далан, Мөрөн-Хатгал, Сайншадын замд үүссэн нүхэн эвдрэлийг засахаар замын компаниуд шуурхай ажиллаж байгааг дээрх төвөөс мэдээлсэн юм. Тэгвэл А14 дугаартай, Ховд аймгийн Манхан-Булган сум чиглэлийн олон улсын чанартай авто зам өнгөрсөн амралтын өдрүүдэд хүчтэй аадар борооны улмаас мөн эвдэрчээ
2024-07-29
Ажлыг оромдож биш, чанартай хийж суръя
Нүглийн нүдийг гурилаар хуурах гэсэн мэт оромдож хийсэн, ашиглалтын хугацаа нь жилээр биш, сар, өдрөөр хэмжигдэхүйц хэврэг, чанаргүй ажлуудыг дээрх байдлаар нэгд нэгэнгүй тоочин бичвэл сонины зай талбай, цаг хугацаа багагүй шаардахаар байна. Иймд сүүлийн үеийн гэгдэх цөөн жишээг энд эшиллээ. Манай улсад ажлыг чанартай, өндөр түвшинд гүйцэтгэх, эзэн болж, хариуцлагатайгаар хийх тухай ойлголт бүрмөсөн хаягдсаныг эндээс харж болно. Харин аливааг хамгийн нүсэр зардлаар, хамгийн чанаргүй хийх бодлого, жишиг үе залгамжлан амь бөхтэйгөөр нутагшиж буй гэлтэй
2024-07-29
