“Рио-2016” олимпийн мөнгөн медальт, Монгол Улсын Гавьяат тамирчин Д.Сумъяагийн бодит амьдралаас сэдэвлэн бүтээсэн “Цагаан хадаг” уран сайхны кино олон улсын хоёр ч кино наадамд нэр дэвшжээ. Түүний нэг нь өчигдөр Бангладеш улсад эхэлж буй "Dhaka International Film festival" бол нөгөө нь ирэх хоёрдугаар сарын 2-9-нд Энэтхэг улсад болох "Bengaluru International Film" наадам ажээ. "Hulegu pictures" кино компани, Монголын жүдо бөхийн холбоотой хамтран бүтээсэн “Цагаан хадаг” кино дээрх хоёр наадмын “Азийн шилдэг кино” номинацид өрсөлдөх ажээ.
