"Авьяаслаг монголчууд-2016" шоуны шилдэг 8-д "Punk n rap" хамтлагийн гишүүн Б.Шижирбат шалгарсан билээ.
График анимешн, бүжиг хоёрыг хослуулснаараа онцлог басхүү өвөрмөц түүний үзүүлбэрийг дэлхий даяар 16 сая орчим хүн үзэж, монголчууд бид ч дуу нэгтэйгээр шигшээд үлдээсэн.
Бүр Б.Шижирбатын үзүүлбэрийн талаар 19 настай, Англи гаралтай Норвегийн алдарт DJ, продюсер Alan Walker өөрийн цахим хаягаараа дамжуулан "WOW, amazing show" хэмээн уулга алдан сэтгэгдлээ хуваалцсан.
Тэгвэл Нидерландын Бокстел-оос гаралтай, 23 настай Голландын DJ, хөгжмийн продюсер Sammy Renders (Sam Feldt) өөрийн албан ёсны цахим хуудсаараа дамжуулж Б.Шижирбатад хамтран ажиллах санал тавьж буйгаа илэрхийлэн, и-мэйл хаягаа үлдээжээ.
Сэм Фэлдтийн хувьд 2014 оноос хойш “House Deep” чиглэлээр уран бүтээлээ туурвиж буй. 2015 онд гаргасан "Show me love" дуу нь Голландын топ 40 дууны 21,UK сингл чартын 48 Белги улсын чартад 15, Billboard Hot Dance чартад 13 байрт тус тус жагсчээ.
Мөн 2016 онд гаргасан "Summer On You togеther" дуу нь Голландын топ 40 дууны 4, 9-10 дугаар сард Голландын радиогаар хамгийн их цацагдсан дуугаар шалгарсан. Улмаар Нидерландын “Платинум Авардс” шагнал хүртсэн. "Billboard Chart"-ийн зүгээсСэм Фэлдтийг "А modern house superstar" хэмээн тодорхойлсон байдаг.
