Холливудын нэрт жүжигчин Дуэйн "The Rock" Жонсонг танихгүй хүн үгүй. Алдартай жүжигчин болохоосоо өмнө энэ эр алдартай мэргэжлийн бөхийн тамирчин байв. Түүний өвөө, эмээ хоёр нь энэ спортоор хичээллэж, багагүй амжилтад хүрсэн нь Жонсонг ийм зам сонгоход хүргэсэн гэдэг.
Тэрбээр 2000 оны эхээр жүжигчин болохоор шийдэж, цөөнгүй кинонд тоглосон нь багагүй амжилтад хүрчээ. Харин одоо Жонсон Холливудын хамгийн хэрэгцээтэй, эрэлт ихтэй жүжигчдийн нэг болсон байна.
Жонсон саяхан өөрийн цахим хуудсан дээрээ 16 настай, ахлах сургуулийн сурагч байх үеийн зурагаа тавьжээ. Энэ талаар тэр "Ахлах сургуульдаа муу нэртэй байсан болохоор хэдийнэ дөрвөн сургууль сольсон. Очсон сургууль бүртээ хууль дүрэм зөрчсөн асуудал байнга гаргадаг байлаа. Энэ үед хэдийнэ 195 см өндөр, 100 кг жинтэй байсан тул сургуулийнхаа нууц цагдаагаар давхар ажилладаг байж билээ. Үнэхээр мутанц шиг л харагддаг байсан даа" гэж дурсжээ.
