Их Британи, Умард Ирландын нэгдсэн вант улсын Уэлсийн нийслэл Кардифф хотод зохион байгуулсан “BBC Cardiff singer of the world” олон улсын уралдааны романсын төрөлд тэргүүн байр эзэлж, дэлхийн шилдэг таван дуучны нэгээр тодорсон Чингис хаан одонт, Гавьяат жүжигчин Г.Ариунбаатар эх орондоо ирсэн даруйдаа шинэ уран бүтээл, тоглолтын хөтөлбөр боловсруулж эхэлжээ.
Тодруулбал, тэрбээр Кардифф хотод Монголын хөгжмийн зохиолчдын бүтээлүүдээс бүрдсэн тоглолт хийхээр төлөвлөж буй аж. Мөн эл тоглолтоо ОХУ-ын хотуудад ч тоглохоор хэлэлцэж буй гэнэ.
Сонирхуулахад, тэрбээр өмнө нь Монголын хөгжмийн зохиолчдын шилмэл бүтээлүүдээс бүрдсэн “Монгол сонгодог 1, 2” нэртэй бүрэн хэмжээний хоёр тоглолтыг сонгодог урлаг сонирхогчдод толилуулж байсан юм.
