Үндэсний соёлын амралтын хүрээлэнгийнхэн жил бүр Хүүхдийн баяраар “Гайхамшигт долоо хоног” хөтөлбөр хэрэгжүүлж, их, бага тайзнаа урлагийн тоглолт, хүүхдүүдийн дундах тэмцээн зохион байгуулдаг уламжлалтай. Энэ жил тавдугаар сарын 29-ноос зургадугаар сарын 4 хүртэл өдөр бүр өөр үзүүлбэр зэхэж багачуудыг баярлуулах гэнэ.
Хөгжилтэй алиалагч, уран хөдөлгөөнт тэнцвэрчин, ухаалаг бяцхан үлгэрийн баатруудыг нэгтгэсэн энэ жилийн тоглолтод мэргэжлийн урлагийн байгууллагын жүжигчид, дуучид оролцох аж.
