“Asias Got Talent”шоуны сүүлийн шатны шалгаруулалт энэ сарын 10-нд болсон.
Тус шоунд улсаа төлөөлөн оролцсон ардын урлагийн “Хөсөгтөн” хамтлаг шилдэг есөн оролцогчоор шалгараад буй. Тэмцээний сүүлийн шатны санал асуулга энэ сарын 11-нийг хүртэл явагдсан юм.
Харин өнөөдөр шилдэг есөн хамтлагийн хамтарсан Гала тоглолт болох юм. Энэ үеэр ялагчийг зарлах аж.
Тэмцээний ялагч 100.000 ам.долларын эзэн болохоос гадна Сингапурын “The Marina Bay Sands” зочид буудалд тоглолтоо хийх эрхтэй болно.
Тэд цахим хуудсандаа монголчууддаа баярласан талархсанаа илэрхийлэн ийнхүү бичжээ.
"Өглөөний мэнд Эрхэм найзуудаа. Өнөөдөр бидний 2014 оны 11 сараас хойш бүтэн зургаан сарын турш уралдсан Asias Got Talent 2015 шоу уралдааны хаалтын тоглолт, бас дүн гарна. Энэ есөн хамтлагаас өнөөдөр хэн нь аварга болохыг ёстой бүү мэд. Аварга 100 000$, Sony Music Entertainment-ийн гэрээ, Marina Bay Sands -д тоглолтоо хийх эрхийн эзэн болно. Олон хоног хүлээлээ ёстой юу ч болвол болог Өвөг дээдсийн минь, Түмэн олны минь заяа түших байгаа. Залбирч байгаарай манайхаан" гэжээ.
