Дуучин Б.Баярцэцэг ирэх баасан гаригт “Эхо любви” орос дууны тоглолтоо толилуулах нь. “Крокус эвент” танхимд болох тоглолт дөрвөн хэсгээс бүрдэх гэнэ.
Тодруулбал, “Ийм нэгэн явдал”, “Зүүдэнд ч оромгүй явдал”, “Москва нулимсанд дургүй” зэрэг шилдэг киноны дуунууд, эх орны дайны тухай болон Муслим Магомаев, Майя Кристалинская тэргүүтэй дуучдын бүсгүй хүний ертөнцийг өгүүлсэн, хайр сэтгэлийн бүтээлүүд, Алла Пугачёва, София Ротару, “Здраствуйте песня”, “Ласковы май”-гийн 1980, 1990-ээд оны диско хэмнэлтэй дуунууд багтжээ.
25 бүтээл сонордуулах тоглолтын хөгжмийн найруулгыг Т.Пүрэвсүх хийж, “Асаунд” хамтлагийнхан хөгжимдөх аж. Сонирхуулахад, Б.Баярцэцэг 2008 онд “Ностальгия” нэртэй орос дууны тоглолтоо толилуулж байжээ.
Б.ДӨЛ
