Дэлхийн хамгийн алдартай шоуны нэг "Got talent" Азид зохион байгуулагдаж байгаа бөгөөд "Asia s got talent" шоу нь энэ оны гуравдугаар сарын 12-ноос AXN телевизээр Азийн 20 гаруй улс оронд зэрэг цацагдаж эхэлсэн билээ.
Санал асуулгын дүн өчигдөр орой 21:05 цагаас гарч, AXN сувгаар шууд цацагдлаа. Язгуур урлагын “Хөсөгтөн” хамтлаг финалийн шилдэг есд шалгарсан байна. Тус хамтлагынхан "Энэ бол Монгол хүн бүрийн баяр шүү. Биднийг дэмжиж байсан бидний төлөө болон Монгол улсынхаа төлөө зүрх сэтгэл нь цохилж байсан санал өгсөн та нарын минь гавьяа юм. Уухай Уухай Уухай !!!!! хэмээлээ.
Тус шоунд Азийн улс орнуудаас мянга мянга оролцогч ирж оролцсоноос язгуур урлагын “Хөсөгтөн” хамтлаг сая, сая үзэгч болоод эрхэм шүүгчдэд Монгол ардын урлагийн гайхамшгийг мэдрүүлж тэднийг бишрүүлсэн юм.
Тус хамтлаг “Хөсөгтөн” хэмээх нэрээ Бавуугийн Лхагвасүрэн гуайн ярианаас санаа авч энэ нэрийг сонгожээ. Хөсөг тэрэгтэй Монголчууд хэдэн зууны тэртээ дэлхийн талыг эзэлж явсан. Тэдний байлдан дагуулал, энэ зуунд ч үргэлжлэх болно гэсэн бодолтойгоор хамтлагаа нэрлэжээ.
