Киви хамтлагийн гишүүн, СТА, дуучин Ц.Намуун өнөөдөр анхны бие даасан “One moment” цомгоо нийтэд нээлттэй танилцууллаа.
Рок попын ертөнцөд өөрийн өвөрмөц дүр төрхөөрөө олонд танигдсан дуучин бүсгүй бие даасан цомгоо ийнхүү гаргасанд сонсогч, фенүүд нь баяртай байгаагаа илэрхийлэв.
Энэхүү цомог нь нийт таван дуунаас бүрдсэн бөгөөд “Ocean Grey” продакшнтай хамтран ажилласан байна.
Тус цомгийн дизайныг дуучин Ц.Намуун өөрөө санаачлан хийсэн бөгөөд бүх дууныхаа нэрийг мөн өөрөө өгчээ. Тэрээр “One Moment” нэртэй анхныхаа цомгоор жижиг хэмжээний тоглолт хийхээр төлөвлөж байгаа гэнэ. Түүний дараагийн уран бүтээлийн цомог нь төгөлдөр хуурийн цомог байх ажээ.
