Голландын дуу бичлэгийн “Спиннин” рекордсоос зохион байгуулж буй шилдэг электо хөгжим тодруулах санал асуулгад монгол залуусын бүтээл дээгүүр “хурдалж” байна. 11 сая дагачтай энэ студийн нийтийн сүлжээнд зохион байгуулсан санал асуулгад 1000 гаруй бүтээл оролцож байгаагаас “The Cosmic bangerz” хамтлаг болон дижей Чука (М.Чулуунхүлэг) нарын “Lemonade in your eyes” бүтээл одоогийн байдлаар 13 дугаарт бичигдэж буй юм.
Энэ санал асуулгад Монголын уран бүтээлчид цахиур хагалан орж ирсэн дэлхийн олон сая электро хөгжим сонирхогчдын анхаарлыг татаж буй бөгөөд эл санал асуулгад тэргүүлбэл манай орчин үеийн хөгжмийн өнгө төрхийг тодорхойлох үйл явц болох юм.
Энэ санал асуулгын дүнгээс шалтгаалан ямар нэгэн шагнал урамшуулал өгдөггүй ч тухайн улсын электро хөгжмийн төвшинг харуулах давуу талтай юм.
