--ОХУ-ын Холбооны сансрын агентлаг буюу “Роскосмос”-ын төлөөлөгчийн мэдээлснээр бол оросууд 2027 онд саран дээр нисэгчээ буулгах бөгөөд энэхүү төсөлд 500 тэрбум рубль шаардлагатай аж.

--Хүн бүрийн бие махбодид хувьсалд орсон аюултай хоёр ген байдаг гэж Чикагогийн их сургуулийн эрдэмтэд мэдээлэв. Тэдний үзэж буйгаар хүн төрсөн үеэс л хувьсаж эхэлдэг тэр гажиг генүүд элдэв өвчний эх үүсвэрийг бий болгодог гэнэ.

 --Үзүүр хэсэгтээ модон оруулгатай, малын арьсаар хийсэн шодой хэлбэртэй тоглоомыг Польшийн Гданьск хотын орчим малтлага хийсэн археологичид олж, XVIII зууны дунд үетэй холбогдохыг нь тогтоосон байна. Энэ мэт бэлэг эрхтэнийг бэлгэдсэн, дүрсэлсэн олдвор тийм ч олдоцтой байдаггүй гэнэ. Дэлхийн хэмжээнд хамгийн эртнийхэд тооцогдох секс тоглоомыг Германаас олсон гэдэг бөгөөд 28.000 жилийн настай аж.

--Загвар зохион бүтээгч К.Лагерфельдийн хайртай муужгай Шупетт өнгөрсөн жил  гурван сая еврогийн орлоготой “ажиллажээ”.  Шупетт орлогынхоо  дийлэнхийг Германы “Opel Corsa” машин, Японы гоо сайхны брэнд “Shu Uemura”-гийн сурталчилгаанаас олжээ. Үүнээс гадна К.Лагерфельдийн эрх цагаан муур твиттерт өөрийн аккаунттай бөгөөд 47.000 дагагчтай гэнэ.