“Сайхныг тань харангуутаа дурласан юм, сэтгэлийг тань танингуутаа итгэсэн юм” хэмээх чихнээ хоногшсон дуу бүр 23 жилийн өмнө анх олны хүртээл болж байжээ. Саяхан “Сэтгэлийн үг” хэмээх эл хит дуугаа шинэчлэн дуулсан гавьяат жүжигчин У.Далантай, С.Эрдэнэцэцэг нар “Сэтгэлийн үг” хэмээх цомгоо худалдаанд гаргажээ. 19 жилийн эргэн нэгдэж, уран бүтээл туурвиж буй тэдний цомгийн өдөрлөг өнөөдөр 12.00 цагт “Hi-Fi records”-т болно.
Түүнчлэн тэд энэ сарын 15-нд хит дуугаараа нэрлэсэн тоглолтоо Бөхийн өргөөнд хийх гэж байна. Тоглолтод хос дуучид болох С.Вандан, Д.Дуламсүрэн, С.Жавхлан, Г.Эрдэнэчимэг, Д.Хишигбаяр, Р.Дэлгэрмаа нар оролцоно.
