ХХААХҮЯ, Хөдөө аж ахуйн бирж ТӨХХК, Төв аймгийн засаг даргын тамгын газар хамтран “ТӨВ АЙМАГТ ҮЙЛДВЭРЛЭВ - МАХ, ХҮНСНИЙ НОГОО, ЦАГААН ИДЭЭ-2019” үзэсгэлэн худалдааг өнөөдрөөс буюу 2019 оны аравдугаар сарын 5-наас 10-ны хооронд таван өдрийн турш “ЛАВАЙ” худалдааны төвд зохион байгуулахаар боллоо.
Хөдөө аж ахуйн бүтээгдэхүүн үйлдвэрлэгч, хоршоод, аж ахуйн нэгж, малчдын гарал үүсэл нь баталгаажсан, эрүүл чанарын шаардлага хангасан мах, цагаан идээ, хүнсний ногоог нийслэлийн хэрэглэгчдэд зах зээлийн доод үнээр хүргэх аж.
