2023 оны төсвийн гүйцэтгэлд аудит хийв
Төрийн аудитын тухай хуульд заасны дагуу Үндэсний аудитын газраас 2024 оны №1219 тоот албан бичгээр Сангийн сайдын эрхлэх асуудлын хүрээний байгууллагуудын 2023 оны нэгтгэсэн санхүүгийн тайлан болон төсвийн гүйцэтгэлд аудит хийж, “Өөрчлөлтгүй” хэмээх дүгнэлт гарчээ.
2024-05-14
Улсын хэмжээнд 10.5 сая тонн ачаа тээвэрлэжээ
Улсын хэмжээнд бүх төрлийн тээврээр 2024 оны дөрөвдүгээр сард 10.5 сая тонн ачаа тээвэрлэсэн нь өмнөх оны мөн үеэс 25.7 хувиар өссөн байна. Харин өссөн дүнгээр буюу эхний дөрвөн сард 38.9 сая тонн ачаа тээсэн нь өмнөх онтой харьцуулахад 20.9 хувиар нэмэгджээ.
2024-05-09
Засгийн газрын шугамаар 25.6 сая ам.долларын зээлийн бараа нийлүүлэв
Олон улсын санхүү, эдийн засгийн байгууллага, хандивлагч орны тусламжаар 36.4 сая ам.долларын бараа импортролжээ. Үүний 59.3 хувийг БНХАУ, 18.1 хувийг ОХУ, 5.6 хувийг Турк, 5.1 хувийг БНСУ, 3.6 хувийг Япон, 2.2 хувийг АНУ-аас импортлов. Харин тусламжийн барааг хандивлагч байгууллага, орноор нь ангилвал АНУ-д 65.8 хувь, ОХУ-д 17.4 хувь, БНХАУ-д 5.4 хувь ногдож байна.
2024-05-07
690.5 сая ам.долларын машин, тоног төхөөрөмж худалдан авчээ
Импортоор нийт 3426.2 сая ам.долларын бараа, түүхий эд оруулсан нь 2023 оны мөн үеэс 765.9 сая ам.доллараар буюу 28.8 хувиар өссөн байна. Импортоор нийлүүлэгдсэн барааны 96.5 хувийг валютын төлбөртэй худалдаа, 0.8 хувийг гадаадын зээлийн хөрөнгөөр нийлүүлсэн бараа, 1.1 хувийг гадаадын тусламжийн бараа, 1.3 хувийг гадаадын хөрөнгө оруулалтаар нийлүүлсэн бараа, 0.3 хувийг төлбөрт зориулсан бараа эзэлжээ.
2024-05-07
Дэлхийн 57 оронд бараа экспортолж, 91.3 хувийг Хятад руу нийлүүлэв
2024 оны эхний дөрвөн сарын дүнгээр гадаад худалдааны нийт бараа эргэлт 9363.3 сая ам.доллар болж, 2023 оны мөн үеэс 619.1 сая ам.доллар буюу 8.0 хувиар өсжээ. Экспортын дүн импортын дүнгээс 1510.9 сая ам.доллараар давж, гадаад худалдааны баланс эерэг гарлаа. Экспортод 4937.1 сая ам.долларын бараа, түүхий эд гаргасан нь өнгөрсөн оны мөн үетэй харьцуулахад 2.9 хувиар буурсан байна. Экспортод нийлүүлсэн барааны 98.9 хувийг валютын төлбөртэй худалдаа эзэллээ.
2024-05-07
Төсвийн хүрээний мэдэгдэл, Төсвийн төсөөллийн тухай хуулийн төслийг өргөн барив
Монгол Улсын Их Хурлын гишүүн, Засгийн газрын гишүүн, Эдийн засаг, хөгжлийн сайд Ч.Хүрэлбаатар “Монгол Улсын хөгжлийн 2025 оны төлөвлөгөө батлах тухай” Улсын Их Хурлын тогтоолын төсөл, мөн Монгол Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуулийн төслийг өчигдөр Монгол Улсын Их Хурлын дарга Г.Занданшатарт өргөн мэдүүллээ.
2024-05-01
Валютын нөөцийг 10 тэрбум ам.долларт хүргэх арга хэмжээ авна
Эдийн засгийн өсөлт 2025 онд эрчимжиж, 8.0 орчим хувьд хүрэх хүлээлттэй байгаа талаар 2025 оны төсвийн хүрээний мэдэгдэлд тусгажээ. Үүнд уул уурхай болон хөдөө аж ахуйн салбарын экспорт нэмэгдэж, тээвэр логистик, аялал жуулчлал зэрэг үйлчилгээний салбарын үйл ажиллагаа идэвхжихээр байгаа нь голлон нөлөөлөх аж. Цаашид, Оюутолгойн гүний уурхайн эрдсийн өндөр агуулгатай баяжмал үйлдвэрлэл болон бусад уул уурхайн бүтээгдэхүүний олборлолт нэмэгдэж, худалдааны түнш улс орнуудтай хийж буй худалдааны хэлэлцээрүүдийн хүрээнд хөрөнгө оруулалт, экспорт тогтвортой өссөнөөр 2026, 2027 онуудад эдийн засгийн өсөлт 6.5 хувь орчимд байх гэнэ.
2024-05-01
Гадаад худалдаа 1.2 тэрбум ам.долларын ашигтай гарав
Үндэсний статистикийн хорооноос энэ оны эхний гурван сарын эдийн засгийн зарим үзүүлэлтийг танилцууллаа. Жилийн I улиралд манай улсын гадаад худалдааны нийт бараа эргэлт 6.1 тэрбум ам.долларт хүрчээ. Энэ нь 2023 оны мөн үеийнхтэй харьцуулахад 6.4 хувь буюу 367.2 сая ам.доллароор өссөн үзүүлэлт аж. Импортоор 2.4 тэрбум ам.долларын бараа, түүхий эд авч, экспортод 3.7 тэрбумын бүтээгдэхүүн нийлүүлснээр гадаад худалдааны тэнцэл 1.2 тэрбум ам.долларын ашигтай гарчээ.
2024-04-17
АХБ: 2025 онд Монгол Улсын эдийн засгийн өсөлт 6 хувьд хүрнэ
Монгол Улсын эдийн засгийн төлөв ирэх жилүүдэд хэрхэн өөрчлөгдөх прогнозоо Азийн Хөгжлийн банкнаас /АХБ/ танилцууллаа. 2023 онд өсөлт тогтвортой байж, макро эдийн засгийн үзүүлэлтүүд эерэг гарсан нь төлбөрийн тэнцэл 2007 оноос хойш анх удаа ашигтай гарахад нөлөөлсөн. Улмаар 2024 онд эдийн засгийн өсөлт 4.1, 2025 онд 6 хувьд хүрэх төлвийг гаргажээ.
2024-04-11
Төрийн хэмнэлтийн тухай хуулийн тухай мэдэх ёстой 9 зүйл
Хууль батлагдсанаар төрийн бүх шатанд санхүүгийн сахилга батыг мөрдүүлж, ил тод байдлыг хангах, үр ашгийг нэмэгдүүлэх, үрэлгэн байдлыг хязгаарлах, хяналт тавих болон улсын салбарт хамаарах аливаа хуулийн этгээдийн зарим үйл ажиллагаанд хэмнэлтийн горимыг хэрэгжүүлэх эрх зүйн орчныг бүрдүүлсэн гэхэд болно. Хуулийн үйлчлэлд төрийн бүх албан хаагч, төсвийн байгууллага, төрийн болон орон нутгийн өмчит хуулийн этгээд тэдгээрийн албан хаагчид, төрийн болон орон нутгийн өмчийн 50 болон түүнээс дээш хувийн оролцоотой хуулийн этгээд, мөн бүх шатлалын төсөв, тусгай сангууд, төсөвт авсан зээл, тусламжийн эх үүсвэр хамаардаг.
2024-04-08
Олон улсад үр дүнд суурилсан төсөвлөлтийг эрчимтэй нэвтрүүлж байна
“Үр дүнд суурилсан төсөвлөлт ба төлөвлөлт” сэдвийн хүрээнд зохион байгуулсан нэг өдрийн сургалт, өдөрлөгийн үеэр хэвлэл мэдээллийн байгууллагуудын төлөөлөл 30 гаруй сэтгүүлч, мэргэжилтэн өөрсдийн ойлголтыг сайжруулж, улмаар улсын төсөвтэй холбоотой мэдээлэлд дүн шинжилгээ хийж, олон нийтэд оновчтой байдлаар мэдээлэх чиглэлээр практик ур чадвараа нэмэгдүүллээ.
2024-03-25
Татварын орлого 4.9 их наяд төгрөгт хүрчээ
Улсын нэгдсэн төсвийн нийт орлого, тусламжийн хэмжээ 2024 оны эхний хоёр сарын урьдчилсан гүйцэтгэлээр 5.4 их наяд төгрөгт хүрчээ. Өмнөх оны мөн үеэс 2.4 их наяд төгрөг буюу 78.4, тэнцвэржүүлсэн орлого тусламжийн хэмжээ 5.1 их наяд төгрөгт хүрч, 2.3 их наяд төгрөг буюу 83.1 хувиар тус тус өссөн байна.
2024-03-17
Инфляцад эзлэх импортын барааны нөлөө буурчээ
Инфляцад эзлэх импортын барааны хувь хэмжээ буурч буйг Үндэсний статистикийн хорооноос мэдээллээ. Тодруулбал, энэ оны хоёрдугаар сарын эцсийн байдлаарх статистикаар импортын барааны үнэ инфляцад 31.4 хувиар нөлөөлжээ.
2024-03-15
Мөнгөний бодлогын хүү 12 хувь боллоо
Монголбанкны Мөнгөний бодлогын хороо улирал тутам хуралддаг. Тус хороо 2023 оны арванхоёрдугар сард хуралдаж, бодлогын хүүг 13 хувьд хэвээр үлдээх шийдвэр гаргасан юм. Тэгвэл өнөөдрийн хуралдаанаар бодлогын хүүг нэг нэгж хувиар бууруулах шийдвэр гаргалаа.
2024-03-15
