Увс аймгийн Өмнөговь сумын цэцэрлэгийн багачууд Эх үрсийн баярыг тохиолдуулан “Авьяас наадам 2015” тоглолтыг өнгөрсөн бямба гарагт зохион явуулсан байна.
Тус цэцэрлэгт 205 хүүхэд суралцдаг бөгөөд энэхүү тоглолтод анги нийтээрээ оролцож, тус хичээлийн жилд сурсан мэдсэн зүйлсээрээ эцэг эхчүүддээ тайлан тавьжээ.
Энэ үеэр бизнесмен Гомбосүрэнгийн Батбаяр цэцэрлэгийн 205 багачуудад тус бүрт нь хувиасаа бэлэг гардуулж, хүүхэд багачуудыг баярлуулсан байна. Тэрбээр өнгөрсөн жил мөн сумынхаа цэцэрлэгийн бүх хүүхдүүдэд баярын өдрөөр нь бэлэг гардуулж байжээ.
