Энэ жилийн "UB DANCE" чөлөөт бүжгийн шилдэг оролцогч Ч.Дөлгөөн /HOOLIGANZ хамтлагийн гишүүн/ нь Тайвань улсад зохиогдсон "Taipei BBoy City" тэмцээнд оролцож, Дэлхийн аварга боллоо.
“Taipei bboy city” тэмцээн бол гудамжны бүжгийн төрлөөр дэлхийд 4-т, азид 2-т эрэмбэлэгддэг томоохон тэмцээн бөгөөд энэ сарын 01-02-ны өдрүүдэд болсон юм. Тэмцээний rocking battle төрлийн хагас шигшээд Э.Баттулга /Hooliganz хамтлагийн гишүүн/ шалгарсан байна.
Тэмцээний талаар бүжигчдийг ахалж явсан Э.Мөнхболд хэлэхдээ "Ц.Энх-Амгалангийн үзүүлбэрийн дараа бидний хувьд тэмцээн бараг дуусч байлаа. Гэтэл Оросын багийн нэг хүн байхгүй байсан тул тэд Ч.Дөлгөөнийг маань багтаа авч, оролцуулахаар болов. Ингээд дөрвөн battle-ийн дараа Ч.Дөлгөөн маань финалд шалгарч, бид дэлхийн аваргаа өлгийдөн авсан юм даа. Энэ бол бидний хувьд маш сайхан эхлэл байлаа" гэв.
Тус тэмцээн жил болгон дэлхийн өнцөг булан бүрт брейкданс төрлөөр зохиогддог ба орон орны шилдгүүдээс зөвхөн 16 шилдэг залуусыг Тайвань улсад цуглуулж, аваргын төлөө өрсөлдүүлдэг юм. Тэндээс аварга болсон нь дэлхийн одуудтай тулаан хийх эрхийг авдгаараа онцлогтой.
Ч.Дөлгөөний бүжгийн үзүүлбэрийн бичлэг:
