Бүжгийн урлагийн гайхамшгийг харуулсан хамгийн том төсөл болох Үндэсний контент “Perfect Dance” шоуны ялагчийг тодруулах шоу тоглолт ирэх сарын 4-нд болно.
Энэ талаар зохион байгуулагчид өнөөдөр хэвлэлд мэдээлэл хийлээ. Тэмцээний онцлог оролцогчид бүжгийн ганцхан төрөлд баригдалгүй соло, хосын, гурвал, хамтлаг зэрэг өөрсдийн хүссэн төрлөөр оролцож байгаа нь бүжигчдийн хувьд хүссэнээрээ өрсөлдөх боломжийг нээж өгсөн юм.
Шоуны нэгдүгээр шатны шалгаруулалтад 500 бүжигчин бүртгүүлснээс шилдэг есөн оролцогч өөрийн авьяас чадвар, давтагдашгүй байдлаараа ялгарч тунан үлдсэн байгаа. Тэгвэл эдгээр оролцогчдоос зөвхөн цорын ганц оролцогч нэвтрүүлгийн ялагчаар тодорч төгс бүжигчин гэх тодотголын эзэн болох учиртай.
Infinity хамтлаг, Welcome to Mongolia хамтлаг, Лхагвадулам, Light Cheer хамтлаг, Dream big хамтлаг, Б.Эрдэнэбаяр, Б.Тэмүүлэн, Шинэ үе хамтлаг, Ш.Цэрэндулам эдгээр есөн оролцогчийн аль нэг нь тэмцээний шагнал болох :
1. Соло төрөлд оролцсон нэг оролцогчид World Korea группээс БНСУ-ын урлагийн их дээд сургуулиудад суралцах тэтгэлэгийн эрх авна
2. Шоуны ялагчаар тодорсон цорын ганц оролцогч төгс бүжигчинд ивээн тэтгэгчдийн шагнал 10.000.000 сая төгрөгийг гардан авна.
Та өөрийн дэмжиж буй оролцогчийнхоо хувийн дугаарыг Монгол лавлахын мессеж 151951 дугаарт илгээн саналаа өгөх боломжтой. Ингэснээр оролцогчийн финалд ялах боломж өсөх юм.
Ялагчийг тодруулах шоу тоглолтонд Монголын рок попын одод, залуу уран бүтээлчид оролцохоос гадна мэргэжлийн бүжгийн хамтлагууд өөрсдийн үзүүлбэрээ толилуулах гэнэ. Финал 4-р сарын 4-ны 18:00 цагаас соёлын төв өргөөнд болно.
