2011 оноос жил бүр зохион байгуулж буй “K-Cover Dance” тэмцээний тайлан тоглолт өнөөдөр 13:00 цагаас Улаанбаатар Палас концертын их танхимд болох гэж байна.
Энэ удаагийн тэмцээнийг “АЙ ЭЙЧ СИ” ХХК-аас БНСУ-ын аялал жуулчлалын төрийн өмчит корпорацийн Монгол дахь төлөөлөгчийн газартай хамтран зохион байгуулж байна.
“K-Cover Dance” тэмцээний дараа 15:00 цагт 2018 оны “Пёнчанг”-ийн өвлийн олимпийн танилцуулах арга хэмжээний тоглолт болох ба тоглолтонд БНСУ-ын од Сонгхүн, “The King” хамтлаг болон тус байгууллагын элч дуучин С.Гантогоо нарын тоглолтыг үнэ төлбөргүй үзэх боломжтой. “Ай Эйч Си” ХХК – нь зургаа дахь жилдээ энэхүү тэмцээнийг зохион байгуулж буй бөгөөд БНСУ-д тэтгэлэгээр суралцах боломж, зөөврийн компьютр гэх мэт шагналын сантай, Монголын өсвөр үе залуучуудад зориулсан тэмцээн юм.
“Ай Эйч Си” ХХК-ийн ерөнхий захирал ноён Квон Ик Сон нь Солонгос Монголын харилцаа болон “Халлю буюу Солонгос давалгааг” таниулах болон бусад олон арга хэмжээг зохион байгуулхаар төлөвлөж байгаа гэнэ.
БНСУ-ын аялал жуулчлалын төрийн өмчит корпорацийн суурин төлөөлөгч Пак Чон Үн нь 2018 оны Пёнчангийн өвлийн олимпийг таниулах зорилгоор Солонгос Оддын тоглолтыг үнэ төлбөргүй үзэхийг санал болгож байна.
