“Рийверстөүн пропертис” ХХК Засгийн газрыг шүүхэд өгчээ
Ус, цаг уур, орчны судалгаа, мэдээллийн хүрээлэнгийн уулзвар орчимд буюу өмнө нь Худалдаа, хөгжлийн банк байсан газарт шинээр барилга барьж буй “Хурд пропертийз”, түүний туслан гүйцэтгэгч “Рийверстөүн пропертис” ХХК сүүлийн хоёр жил орчмын хугацаанд их хэмжээний хөрсний усыг борооны ус зайлуулах шугам хоолойгоор урсган хаяж, байгалийн нөөцийг үнэгүйдүүлж байгааг Усны газраас энэ оны эхээр мэдээлсэн билээ.
2024-05-22
Транзит тээврийн галт тэрэгний өмнүүр ачааны машин орсон ноцтой осол гарав
Сүхбаатар өртөөнөөс Улаанбаатарын чиглэлд зорчиж явсан ачааны галт тэрэгний өмнүүр шороо ачсан хүнд даацын “Хово” загварын ачааны автомашин орж, зургаан вагоныг замаас гаргасан ноцтой осол өчигдөр 06.32 цагт гарав. Ачааны галт тэрэг Орхон зөрлөгийн дэргэдэх гол замын 73 дугаар км-т байрлах төмөр замын гармаар өнгөрөх үед ачааны автомашин гармын хориглосон дохиоллын систем ажиллаж байхад дайрч орсноос уг осол гарчээ. Ослын улмаас хүний амь эрсдээгүй гэнэ. Харин ачааны галт тэрэгний 31 вагоны зургаа нь зүтгүүрийн хамт замаас гарч, унасан байна. “Улаанбаатар төмөр зам” ХНН-ээс ажлын хэсэг гарч, ослын шалтгааныг судалж, сэргээн босгох ажлыг зохион байгуулж буй аж.
2024-05-22
МСҮТ-ийн суралцагчдын тэтгэлгийг хууль зөрчин өөр хүнд олгосон уу
Баян-Өлгий аймгийн Мэргэжлийн сургалт үйлдвэрлэлийн төв (МСҮТ)-ийн удирдлага хууль зөрчин суралцагчдын тэтгэлгийг бусдад олгосон гэх хэрэгт холбогджээ. Тус төвийн захирал И.Жанболат, сургалтын албаны арга зүйч Е.Керим, Хүний нөөц, гадаад харилцаа хариуцсан мэргэжилтэн Е.Айнур, иргэн Х.Нигмет нарыг Эрүүгийн хуулийн 22.1 дэх хэсгийн “Нийтийн албан тушаалтан эрх мэдлээ урвуулан ашиглаж, бусдад давуу байдал бий болгосон” хэмээн яллагдагчаар тооцон АТГ-ын Мөрдөн шалгах хэлтэст шалгаж дууссан байна.
2024-05-21
“Ногоон автобус”-ны гэх хэргийг өмгөөлөгч нараас шалтгаалан хэлэлцэж чадсангүй
БНСУ-ын “Дэү” компаниас хуучин автобус оруулж ирснийг хүлээн авч, нийслэлчүүдийн нийтийн тээвэрт явуулж эхэлсэн албан тушаалтнуудад холбогдох хэргийн урьдчилсан хэлэлцүүлгийг Чингэлтэй дүүргийн Эрүүгийн хэргийн анхан шатны шүүх өчигдөр хийхээр товлоод байсан юм. Гэвч нэг бус өмгөөлөгч шүүх хуралд оролцох боломжгүй болсноос ирэх сарын 17-ныг хүртэл хойшлуулав. Тодруулбал, Нийтийн тээврийн газрын инженер асан Д.Цогбадрахын өмгөөлөгч Р.Машлай БНХАУ-д эмчлүүлж буй учраас хуралд оролцох боломжгүйгээ илэрхийлж хойшлуулах хүсэлт гаргасан бол тус газарт ажиллаж байсан Ч.Мөнхбаярын өмгөөлөгч Р.Батцогтын ар гэрт гачигдал гарсан байна.
2024-05-21
Хэргийн газраас олдсон баримтын ДНХ шалгуулсан хүмүүсийнхтэй таараагүй гэв
УИХ-ын гишүүн, Дэд бүтцийн сайд агсан С.Зориг 1998 оны аравдугаар сарын 2-нд амиа алдсан хэргийг мөрдөн шалгах ажиллагааг цагдаа, тагнуулын байгууллагын хамтарсан ажлын хэсгийн шинэ бүрэлдэхүүн явуулж буй билээ. Тэд 26 жилийн өмнө хэргийн газраас олдсон эд мөрийн баримтуудын нэгэнд нь АНУ-д ДНХ-ийн нарийвчилсан шинжилгээ хийлгэжээ. Энэ талаар өнгөрсөн баасан гарагт Мөрдөн байцаах албаны Хүнд гэмт хэрэг мөрдөн шалгах хэлтсийн дарга, цагдаагийн хурандаа Д.Энхтөр хэвлэлийнхэнд мэдээлэл өгсөн юм. Тэрбээр “Эрүүгийн 830142 дугаартай, С.Зориг нас барсан хэрэгт ТЕГ, ЦЕГ-ын хамтарсан ажлын хэсэг мөрдөн шалгах ажиллагаа явуулж байгаа
2024-05-20
“Цахим эрүүл мэнд” төслөөс луйвардсан хөрөнгийг гадаадын компаниас гаргуулж, шилжүүлэн авчээ
Дэлхийн банкнаас 2022 онд манай Засгийн газраас төслийн хөрөнгөөс үр ашиггүй зарцуулсан 1.7 сая ам.доллар нэхэмжилсэн тогтоолыг ирүүлсэн байжээ. Өөрөөр хэлбэл, тус банкнаас санхүүжүүлсэн төслүүдийнхээ үр дүнд шинжилгээ, дүгнэлт хийгээд, энэ хэмжээний хөрөнгийг үр ашиггүй зарцуулсан болохыг тогтоож, буцааж авахаар хандсан нь Засгийн газрыг багагүй сандаргасан гэдэг. Үүний дагуу холбогдох шалгалтуудыг АТГ-аас хийж буй билээ.
2024-05-20
Дээд шүүхийн шүүгч нарт сахилгын хэрэг үүсгүүлэхээр гаргасан гомдлыг хэрэгсэхгүй болгов
Улсын дээд шүүхийн шүүгч нарт сахилгын хэрэг үүсгүүлэхээр хуульч Б.Гүнбилэг Шүүхийн сахилгын хороонд мэдээлэл гаргасан билээ. Тус шүүхийн шүүгчид энэ оны хоёрдугаар сарын 11 буюу Цагаан сарын шинийн 2-нд УИХ-ын дарга Г.Занданшатарын Их тэнгэр дэх гэрт зочилж, золгон, эхнэрээс нь гарын бэлэг авсан юм. Үүнд үндэслэн хуульч Б.Гүнбилэг шүүгч нарын Шүүхийн тухай хуулийн 50.1.19-ийн “Хэргийн оролцогч болон бусад этгээдтэй харилцахдаа шүүхийн нэр хүнд, хэрэг хянан шийдвэрлэх ажиллагаанд сөргөөр нөлөөлж болох хувийн дотно харилцаа тогтоохыг хориглох” заалтыг зөрчсөн байх магадлалтай хэмээгээд, “УИХ-ын дарга төрийн золголт гэртээ хийсэн бол Төрийн хэмнэлтийн хууль зөрчсөн
2024-05-20
Н.Мөнхбат, Б.Шинэбаатар, Ч.Отгочулуу нар давж заалдах шатны шүүхээс оноосон ялыг эдлэхээр болов
Сүхбаатар дүүргийн Эрүүгийн хэргийн анхан шатны шүүх 2023 оны арваннэгдүгээр сард тэдэнд холбогдох хэргийг дахиж хэлэлцээд Н.Мөнхбат, Б.Шинэбаатар, Ч.Отгочулуу нарыг нийтийн албан тушаалтнаар ажиллаж байхдаа эрх мэдэл, албан тушаалаа урвуулан ашиглаж, улсад их хэмжээний хохирол учруулсан гэм буруутайд тооцсон. Улмаар Н.Мөнхбатын нийтийн албанд томилогдох эрхийг дөрвөн жил хасаж, мөн хугацаагаар хорих ял оноосон. Харин Б.Шинэбаатар, Ч.Отгочулуу нарын нийтийн албанд ажиллах эрхийг хоёр жил хязгаарлан, мөн хугацаагаар хорих ял шийтгэсэн юм.
2024-05-17
О.Магнай, Э.Болорчулуун тэргүүтэй 11 хүний хэргийг анхан шатны шүүх дахин хэлэлцэнэ
Үүнээс гадна нийслэлийн Газрын албаны даргаар ажиллаж байсан Э.Болорчулууны хэргийг О.Магнайгийн үйлдэлд нэгтгэн шүүхэд шилжүүлсэн. Тодруулбал, ШӨХТГ-ын дарга байхдаа О.Магнай түүнд нөлөөлж ээжийнхээ эзэмшлийн “Баянцамхаг” ХХК-д Баянзүрх дүүргийн I хорооны нутагт 896 ам метр газрыг 15 жилийн хугацаатай эзэмших эрх хууль бусаар олгуулсан хэрэгт хамтран оролцсон гэж яллагдагчаар татагдсан юм.
2024-05-16
Автобусны жолооч болохоор бүртгүүлсэн иргэнээс хахууль өгөхийг шаарджээ
Нийслэлийн удирдлага нийтийн тээвэрт парк шинэчлэл хийж, үйлчилж буй жолооч нарынх нь нийгмийн асуудлыг шийдвэрлэх үүднээс цалинг нь 1000 ам.доллартой тэнцэх хэмжээнд хүргэхээ зарласан. Үүнтэй холбоотойгоор дүүргүүдийн Хөдөлмөр, халамжийн үйлчилгээний хэлтэст нийтийн тээвэрт ажиллах хүсэлтэй жолооч нарыг бүртгэж эхэлсэн билээ.
2024-05-15
Сайд асан Д.Эрдэнэбат, Цэцийн гишүүн Д.Сугар тэргүүтний хэргийн давж заалдах шүүх хурал хойшиллоо
Мөн Зам, тээврийн хөгжлийн сайд асан Д.Ганбаттай холбоотой үйлдэлд ЗТХЯ-ны Авто замын бодлогын хэрэгжилтийг зохицуулах газрын дарга Д.Доржханд, ахлах мэргэжилтэн Б.Минжбадам, “Ялгуусан” компанийн захирал Л.Санжаадорж нарыг яллагдагчаар татсан. Нэр дурдсан 20 хүнийг Эрүүгийн хуулийн 21.1-ийн нотлох баримтыг хуурамчаар үйлдэх, устгах, 22.1-ийн эрх мэдэл, албан тушаалын байдлаа урвуулан ашиглах, 22.4-ийн нийтийн албан тушаалтан хахууль авах, 22.5-ын хахууль өгөх, 18.6-гийн мөнгө угаах, 20.3-ын зохион байгуулалттай гэмт бүлэг байгуулах, түүнд элсэх гэсэн зүйл заалтын дагуу буруутгаж буй юм.
2024-05-15
Хууль бусаар соёлын өв худалдахыг завдсан иргэдийн хэргийг шүүхэд шилжүүлжээ
Сүхбаатар дүүргийн прокурорын газраас иргэн Т.Э, Э.Г нар нь Хүннүгийн үеийн НТӨ II зуунаас НТ I зуунд хамаарах соёлын биет өв, XVII-XIX зууны үеийн бурхны шашны сүм хийдэд ашиглагдаж байсан эдлэлийг хууль бусаар худалдаалахыг завдсан гэх хэрэгт Эрүүгийн хуулийн 25.5 дугаар зүйлийн 1 /Соёлын биет өвийн хууль бус худалдааг зохион байгуулах/-т зааснаар яллах дүгнэлт үйлдэн тус дүүргийн эрүүгийн хэргийн анхан шатны шүүхэд тус тус шилжүүлжээ.
2024-05-14
Зөвшөөрөлгүй ажиллаж байсан “ЗС” компанийн үйл ажиллагааг зогсоов
Сонгинохайрхан дүүргийн прокурорын газраас тус дүүргийн Цагдаагийн нэгдүгээр хэлтсийн алба хаагчид болон Сонгинохайрхан дүүрэг дэх Мал эмнэлгийн улсын байцаагч нартай хамтран тус дүүрэгт махны чиглэлээр үйл ажиллагаа явуулдаг газруудад шалгалт хийжээ.
2024-05-14
“Андын илч” ХХК-ийнханд захиалгаар халдсан гэмт бүлэглэлийнхэнд 1-16 жил хорих ял шийтгэлээ
Сүхбаатар аймагт үйл ажиллагаа явуулдаг, БНХАУ-ын хөрөнгө оруулалттай “Андын илч” ХХК-ийн Монголын талын захирлуудыг хятад иргэдийн захиалгаар галт зэвсэг, зэвсгийн чанартай эд зүйл ашиглан айлган сүрдүүлж заналхийлсэн гэх үйлдэлд холбогдсон нь хүмүүсийн гэм бурууг шүүх дэнсэллээ. Уг хэргийг өмнө нь нэг бус удаа ял шийтгүүлж байсан “Ука” хочтой Л.Алтанхуяг (мөрийтэй тоглож байсан хүмүүсийг зэвсэглэн дээрэмдсэн), “Хулнаа” хэмээх Б.Хулансамбуу, “Цэнгэл” гэж нэрийддэг Н.Батцэнгэл, “Уугаа” гэх Б.Ууганзаяа нар бүлэглэн үйлдсэн нь Эрүүгийн цагдаагийн албаны Зохион байгуулалттай гэмт хэрэгтэй тэмцэх хэлтсийн мөрдөгчдийн шалгалтаар тогтоогдсон байдаг.
2024-05-14
