UBS телевиз “Хөхөө Намжил” уралдаант шоуг морин хуурчдын дунд зохион байгуулахаар боллоо.
Монголын эзэнт гүрний үеэс өвлөгдөн өдгөө ч хүндэтгэн дээдэлж хоймроо залж ирсэн өнө эртний түүхтэй эрхэм морин хуур хөгжмөө үеийн үед дээдлэх зорилгоор энэхүү уралдааныг зохиож буй.
Уралдаан мэргэжлийн болон мэргэжлийн бус бүх хүмүүст нээллтэй. Нэгдүгээр байрт 10 сая , хоёрдугаар байрт долоон сая , гуравдугаар байрт таван сая төгрөгийн шагналтай ажээ.
Төсөлд найман настай балчраас 80 настай өтгөс ч оролцох боломж бүрэн нээлттэй бөгөөд хоёр чавхдасаараа хорвоо дэлхийг уяраах хосгүй гайхамшигтай морин хуур хөгжмөө алдаршуулцгаая” хэмээн зохион байгуулагчид уриалж байна.
Уралдааны бүртгэл энэ сарын 15 хүртэл үргэлжилнэ. Тэмцээнд хилийн чанадад амьдарч буй монголчууд болон олон улсын авьяастнууд оролцох боломжтой аж. Мөн дөрвөн үе шаттайгаар зохиогдох бөгөөд ирэх сарын 9-нд эхний шалгаруулалт болох юм.
