Видео бичлэгийн хамгийн арвин сантай YouTube.com цахим хуудас ирэх сараас 360 хэмийн буюу панорам үйлчилгээтэй болох гэнэ. Gizmodo.com сайтад мэдээлснээр YouTube-ийг эзэмшдэг “Google” компани чухам ямар шинэчлэл хийх гэж буйгаа энэ сарын сүүлчээр танилцуулах юм байна.
Панорам видео нь үзэгчид илүү бодит мэдрэмж төрүүлдэг. Өөрөөр хэлбэл, үзэгч бичлэг үзэж байхдаа өөрөө камер барьсан зураглаачийн дүрд хувирч, бичлэг дээрх бүхнийг илүү өргөн хэмжээгээр, хүссэн талаасаа харах боломжтой болдог юм. “Cardboard” гэх төхөөрөмжийн тусламжтайгаар видео бичлэгийг 360 хэм эргүүлэн үздэг байна.
