“Дэггүй хөрш” олон ангит инээдмийн кино энэ сарын 5-наас эхлэн Монгол телевизээр үзэгчдийн хүртээл болон хүрч эхэллээ.
Нэгэн айлын хөгжөөнтэй, инээдтэй, хоржоонтой, хорон, авууштай, санууштай үйл явдал өрнөх тус киног бүхий л насныханд зориулан бүтээжээ. Тус киноны зохиолыг Ц.Одмаа, О.Урантуяа, Ц.Үүрцайх нар бичсэн бөгөөд продюсер Г.Гантуяа, ерөнхий найруулагч О.Урантуяа, ерөнхий зураглаач М.Өнөрбаатар нарын уран бүтээлийн 40 гаруй хүний бүрэлдэхүүнтэй баг ажилласан байна.
Гол дүрүүдэд УДЭТ-ын жүжигчин, ардын жүжигчин Г.Мягмарнаран, С.Сарантуяа, СТА А.Алтантөр, Б.Хулан, дуучин Г.Эрдэнэтунгалаг, жүжигчин Б.Эрдэнэбаяр нар тогложээ.
