“Скин” интертайментийн бүтээл “Зүрх зогсохгүй” адал явдалт уран сайхны кино үзэгчдийн хүртээл болоход бэлэн болжээ. Тус бүтээл нь арванхоёрдугаар сарын 2-нд буюу маргааш “Тэнгис”, “Өргөө”, “Соёмбо” кино театруудын дэлгэцнээ албан ёсоор нээлтээ хийх гэж байна.
Хип хоп урлагийн төлөөлөл болсон залуу уран бүтээлчид тус бүтээлд дүр бүтээж байгаа гэдгээрээ онцлогтой аж. Мөн энэ бүтээлийн найруулагчаар “Скин” интертайментийн найруулагч А.Анар ажиллаж гол дүрд “Зэрлэг цэцэгсийн хүлэмж” киногоор олны танил болсон Б.Энхтүвшин тоглосон бол тулсах дүрд “Ice top” хамтлагийн Боогийн буюу Б.Чулуунбаяр, “Out law” хамтлагийн ахлагч Э.Ариун-Эрдэнэ, “Мөрөөдлийн театр”-ын жүжигчин, Соёлын тэргүүний ажилтан Б.Навчаа зэрэг уран бүтээлчид оролцон тогложээ.
