Монгол Улсын Ерөнхийлөгч Х.Баттулга зарлиг гаргаж, Сар шинийн баярын босгон дээр эрхэлсэн ажилдаа амжилт гаргасан салбар бүрийн төлөөллийг төрийн дээд цол, одон, медаль, төрийн шагналаар шагнаж байна. Шагналыг өнөөдөр 11.40 цагт Төрийн ордонд гардуулж өглөө. Ингээд шагнал хүртсэн эрхмүүдийг танилцуулбал,
Монгол Улсын гавьяат жүжигчин, дуучин С.Батсүхэд Монгол Улсын Ардын жүжигчин цол хүртлээ
Найруулагч Н.Наранбаатар Монгол улсын урлагийн гавьяат зүтгэлтэн цол хүртлээ
Хөгжмийн зохиолч Б.Магсаржав Монгол улсын урлагийн гавьяат зүтгэлтэн цол хүртлээ
Олон улсын хүүхдийн “Найрамдал” цогцолборын ерөнхий захирал, жүжигчин Б.Отгонбат Монгол улсын урлагийн гавьяат зүтгэлтэн цол хүртэв
“Циркус Монголиа Хадгаа” циркийн захирал Ч.Хатанбаатар Монгол улсын урлагийн гавьяат зүтгэлтэн цол хүртлээ
Улсын дуурь, бүжгийн эрдмийн театрын гоцлол бүжигчин А.Саруул Монгол Улсын гавьяат жүжигчин шагнал гардан авав
Монгол HD телевизийн дэд захирал, хөтлөгч С.Чимгээ Монгол Улсын Соёлын гавьяат зүтгэлтэн цол хүртлээ
Гэрэл зурагчин Д.Цэрэннадмид Монгол Улсын Соёлын гавьяат зүтгэлтэн боллоо
Монгол Улсын Төрийн соёрхол: - ЭХЭМҮТ-ийн Эрүү, нүүрний мэс заслын тасгийн эрхлэгч, клиникийн профессор Г.Аянга ахлагчтай багийн “Уруул тагнайн төрөлхийн сэтэрхийн цогц эмчилгээг Монгол Улсын хэмжээнд шийдсэн нь” бүтээл хүртлээ.
Гавьяат дасгалжуулагч: -Монголын үндэсний сагсан бөмбөгийн холбооны ерөнхий нарийн бичгийн дарга С.Тулга нарын хүмүүсийг шагналаа.
