ДБЭТ-аас Чингис хааны мэндэлсний ой, Монгол бахархлын өдрийг тохиолдуулан Чингис хааны одонт, Хөдөлмөрийн баатар, Төрийн шагналт, Урлагийн гавьяат зүтгэлтэн Б.Шаравын “Чингис хаан” дуурийг өчигдөр цахимаар үзэгчдэд хүргэлээ. Тус театр “Цахим соёлоор дархлаагаа дэмжье” уриан доор цаашид ч энэ мэтчилэн урын сан дахь дуурь, балетуудаасаа үзүүлэхээр болжээ. Мөн бүтээл туурвил, уран бүтээлчдийн тухай нэвтрүүлгүүдийг ч төлөвлөгөөний дагуу хүргэх аж.
