Ойрын хэт халуунд охид, бүсгүйчүүдийн арьс их хэмжээгээр түлэгдэж тэдний хамгийн том асуудал болоод буй билээ. Хэт хурц нартай үед нарны тос түрхээгүйгээс мөн ямар нэг халхавчгүй ил, задгай хувцас мөн нарнаас хамгаалах малгай гэх мэтийг хэрэглээгүйгээс хүний арьс түлэгддэг байна. Тэгвэл нэгэнт нарнаас хамгаалж амжаагүй арьсыг хэрхэн эмчилдэг тухай бяцхан зөвлөгөөг хүргэе.
Хөргө
Хэрэв арьс чинь гуужаад эхэлсэн бол энэ арга илүү үр дүнтэй. Юуны өмнө хүйтэн усанд ороод үзээрэй. Алчуур ашиглан гуужуулж, үрж байснаас хамаагүй илүү. Хуурай болон эмзэг арьстай хүмүүс уг аргыг туршихад онцлогт нь илүү тохирно.
Загатнааг нь зогсоох
Наранд түлэгдсэнээс болж ихээр загатнадаг. Тэгвэл доорхи жижигхэн зөвлөмжийг дагаад хийгээрэй. Мөс хөлдөөж загатнаж буй хэсэгт зөөлөн иллэг хийж, арчилгүй хатаагаад үзээрэй. Загатнах нь хавьгүй дээр болсон байна.
Арьсаа чийгшүүл
Усанд орсны дараа хуурай арьсан дээр алое агуулсан чийгшүүлэгч тос эсвэл чийгшүүлэгчийг түрхэх нь загатнаа болон арьс хуулрах явцыг сааруулдаг. Эсвэл тасалгааны зуун наст цэцгийн шүүсийг нь шахаж хэрэглээд үзээрэй.
Ус уу
Гаднаас нь усаар эмчилсэн бол дотроосоо ч гэсэн уух хэрэгтэй. Өдөрт 8-10 аяга ус уух нь насанд хүрсэн хүмүүсийн хувьд жирийн тоо гэж хэлж болно. Ус уугаарай бүсгүй минь.
Арьсыг бүү хуул
Хуулалгүй хайч аваад сөрсөн хэсгийг авахад болно. Зөвхөн үхсэн, гуужсан арьсыг авна гэдгийг бүү мартаарай. Арьсаа түлэхээс өмнө нарны тосыг түрхэж болно. Мөн наранд хэт арьсаа түлэхээс зайлсхийх хэрэгтэй. Нарнаас амин дэм авах нь чухал ч хэтрүүлвэл аюултай.
