Чингэлтэй дүүргийн 15 дугаар хороонд БНХАУ-ын Энхтайван хөгжлийн сангийн 500 мянган америк долларын буцалтгүй тусламжаар Хүүхдийн амбулатори байгуулж, 2015 оны 11 дүгээр сарын 4-ний өдөр ашиглалтад оруулсан. Энэ нь Чингэлтэй дүүрэгт 2015 онд хийгдсэн томоохон бүтээн байгуулалтуудын нэг нь юм.
Хүүхдийн амбулатори ашиглалтад орсноор Чингэлтэй дүүргийн 0-18 насны 51 мянган хүүхэд, багачууд 15 төрлийн урьдчлан сэргийлэх эмчилгээ, оношлгоонд хамрагдах боломж бүрдсэн. Хүүхдийн амбулаториор өдөрт давхардсан тоогоор 350-450, сард 8000-10000 хүүхэд үйлчүүлэх боломжтой юм.
