Apple компани өчигдөр өөрийн шинэ бүтээгдэхүүний танилцуулгаа хийлээ. Тэд энэ удаад хамгийн их борлуулалттай шилдэг бүтээгдэхүүний нэг болох iPad таблетынхаа шинэ загваруудыг танилцуулсан юм.
iPad Air 2
одоогийн таблетын зах зээлд байгаа бүтээгдэхүүнүүдээс хамгийн нимгэн нь хэмээн онцолсон iPad Air 2 таблет нь ердөө 6.1 мм зузаантай.
Дэлгэц:
- Ретина дэлгэцтэй
- 9.7 инчийн хэмжээтэй LED арын гэрэлтүүлэг бүхий Multi-Touch дэлгэцтэй
- 2048*1536 пиксель нягтаршилтай
- Хурууны хээний мөр гарахаас хамгаалагдсан oleophobic бүрхүүлтэй
- Бүрэн давхарлагдаж хамгаалагдсан
- Цайрч, гэрэл ойхоос хамгаалагдсан бүрхүүлтэй
Чип:
- А8X чиптэй. А8 чипний хоёр дахь үе. 3 тэрбум транзистороос бүтсэн, 64 бит архитектуртай, 40 хувийн хурдан төв процессор, 2.5 дахин хурдан график процессортой.
Камер:
- 8MP хүчин чадалтай iSight камер
- Автоматаар фокусаа тохируулна
- Нүүр таних технологи нь илүү сайжирсан
- таван элемэнт бүхий линз
- цаг тохируулан автоматаар зураг дарах
Хурууны хээ таних TouchID сканнертай, Apple Pay шинэ технологийг суурилуулсан, Wi‑Fi болон Bluetooth 4.0-тэй, аудио болон видео дуудлага хийнэ, Siri-тэй, идэвхитэй горимд 10 цаг ажиллах батерейн хүчин чадалтай.
Мөнгөлөг, алтлаг, саарал гэсэн өнгөний сонголттой. Зөвхөн WiFi-тай хувилбар нь 16GB нь 499, 64GB нь 599, 128GB нь 699 ам.доллар. Харин WiFi болон үүрэн холбооны сүлжээтэй хувилбар нь 16GB нь 629, 64GB нь 729, 128GB нь 829 ам.долларын үнэтэй. Урьдчилсан захиалга нь өнөөдрөөс эхэлж байгаа ба долоо хоногийн дараанаас дэлгүүрүүдээр худалдаалагдаж эхэлнэ.
iPad Mini 3
Мини таблетын гурав дахь үеийн загвар. Энэхүү шинэ загварын таблет нь 7,9 инчийн 2,048 x 1,536 нягтаршил бүхий Ретина дэлгэцтэй. Өнгөний хувьд саарал, алтлаг, мөнгөлөг өнгөний сонголттой. 5MP iSight камертай, Apple Pay, Touch ID-тай.
A7 процессортой учир хүчин чадлын хувьд илүү сайжирсан. Идэвхитэй горимд 10 цаг ажиллах батерейн хүчин чадалтай.
Өнөөдрөөс урьдчилсан захиалга эхэлж ирэх долоо хоногоос худалдаанд гарна. Үнийн хувьд 16GB нь 399, 64GB нь 499, 128GB нь 599 ам.долларын үнэтэй.
