Нийслэлийн 375 жилийн ойн хүрээнд болон Зураг төслийн байгууллага үүсч хөгжсөний 85 жилийн ойг тохиолдуулан гэрэл зургийн уралдаан зарлалаа. Уралдааныг Нийслэлийн Ерөнхий төлөвлөгөөний газар Монголын Архитекторуудын Эвлэл хамтран “Улаанбаатар хотын хөгжил, Бүтээн байгуулалт” гэрэл зургийн уралдааныг зохион байгуулж байна. Тус уралдаанд архитекторууд, мэргэжлийн гэрэл зурагчид, гэрэл зураг сонирхогчид оролцох боломжтой аж. Оролцогчид гэрэл зураг нь дижитал хэлбэрт байх, бүтээл нь сурталчилгааны чиглэлээр ашиглагдаж байгаагүй байх, Гэрэл зурагт аль ч төрлийн програм ашиглан засвар хийхийг зөвшөөрнө, өөрийн бүтээлдээ Улаанбаатар хотын хөгжил, бүтээн байгуулалтыг толилуулсан байх, архитектурын гэрэл зургийн чиглэл түүний онцлог, зохиомжыг голчлон анхаарах, детальчилсан зохиомжтой зураг нь дангаар оролцох боломжгүй, хэрвээ гэрэл зурагт хөшөө, баримал, уран зураг болон бусад төрлийн урлагийн бүтээлүүд орж байвал тухайн бүтээлийн зохиогчийн эрхийг зөрчөөгүй байх, бүтээл нь тухайн оролцогчийн өөрийн авсан гэрэл зураг байх ёстой бөгөөд байгууллагын эрхийг зөрчөөгүй, тэдгээрийн эзэмшлийнх биш байх зэрэг шалгуур үзүүлэлтүүдийг таввж байгаа юм. Оролцогчдын бүтээлийг аравдугаар сарын 25-ны 23:00 цаг хүртэл хүлээн авах юм.
Шагналын сан , 1-р байр: Өргөмжлөл, Цом, Бүгд Найрамдах Ардчилсан Солонгос улсад зохиогдох Монголын архитектурыг сурталчилах үзэсгэлэнд МАЭ-ийн зардлаар оролцох эрх,
2-р байр: 500,000 төгрөг
3-р байр: 300,000 төгрөг
Тусгай байр: Таван гэрэл зураг 100,000 төгрөгөөр шагнана. Тэмцээнд орохын тулд оролцогч нь www.uma.org.mn хаягаар орж, уралдаан хэсгээс анкет татан авч, мэдүүлэгт байх овог нэр, гэрийн хаяг, утасны дугаар, мэйл хаяг, зургийн нэр, тайлбар гэх мэт шаардлагатай мэдээллүүдийг бөглөн, өөрийн гэрэл зургаа хавсарган uma.competition@gmail.com хаяг руу явуулах боломжтой аж.
Өчигдрөөс илүү маргаашийг
бүтээхийн төлөө
