Blue moon арт галерей компанийн үзэсгэлэнгийн танхимд аравдугаар сарын 2-ноос 12-ны хооронд “Модерн уран зураг ба инстолляц-2” уран бүтээлчдийн нэгдсэн үзэсгэлэн болно. Үзэсгэлэнгийн нээлт аравдугаар сарын 02-ны 18:00 цагт болох юм. Тус үзэсгэлэн хоёр дахь жилдээ болж байгаа бөгөөд өнгөрсөн жилээс дүрслэх урлагийн төрлүүдээр төрөлжүүлэн нийт уран бүтээлчдийн дунд үзэсгэлэн зохиож, шилдэг бүтээл шалгаруулж байгаа юм.
Үзэсгэлэнгийн зорилго нь уран бүтээлчдийг дэмжин ажиллах, тэдний идэвхийг нэмэгдүүлэх, урлагаар дамжуулж хүмүүсийн гоо сайханы таашаалыг нэмэгдүүлэх, Монголын дүрслэх урлагийн уран бүтээлчдийг дэлхий нийтэд таниулах, шинэ залуу авьяаслаг уран бүтээлчдийг төрүүлэн гаргаж ирэх юм.
Интолляцийг орон зайн урлаг гэж орчуулж болох бөгөөд модерн уран зураг, инстолляцын уран бүтээлчдийн нэгдсэн үзсэгэлэнд 40-өөд уран бүтээлчийн 60 гаруй орчин үеийн урлагийн уран бүтээлүүд тавигдсан аж. Мөн монголын дүрслэх урлаг хэрхэн хөгжиж буйг энэ үзэсгэлэнгээс харж болох юм.
М.Болорцэцэг
