"Blue moon" арт галерейн гишүүн уран бүтээлч Ц.Солонгын “Сэтгэл шувуу” уран бүтээлийн анхны бие даасан үзэсгэлэнгийн нээлт энэ сарын 13-нд болно.
Тэрбээр сэтгэл доторх шувуугаа өөрийн бүтээлээрээ илэрхийлэн сэтгэл шувуугаа нисгэж байна. Түүний бүтээлүүдэд эрчлэг хирнээ зөөлөн хэмнэлтэй сэтгэлийн олон хэлбэлзлүүд нэгэн шугаманд нэгдэж амьдралыг магтан дуулах дуудлага руу хөтлөгдөх мэт хэлбэр дүрсүүд ажиглагдана.
Үзэсгэлэнд хүний нүдэнд үл харагдах илүү мэдрэмжүүдийг “нүд”-ээр бэлгэдэн илэрхийлж, элемент болгосон энгийн байгалийн өнгийг материалтай хослуулсан бүтээл болох арьс, монотип, уран бичлэгийн техникээр бүтээсэн 30 гаруй бүтээлийг дэлгэх юм. Үзэсгэлэн энэ сарын 22-ныг дуустал үзэгчдийн хүртээл болно
