“Apple” компани iPhone 6, iPhone 6 plus гар утас, Apple watch бугуйн ухаалаг цаг, Apple pay бэлэн бус тооцооны төхөөрөмж, IOS 8 үйлдлийн системээ танилцууллаа. Энэ сарын 19-нд худалдаанд гарах шинэ загварын гар утсууд 4.7, 5.5 инчийн дэлгэцтэй бөгөөд өмн өхийн адил хар, алтлаг, мөнгөлөг өнгөтэй аж. 64 битийн a8 процессортой, анхны загвараасаа 50 дахин хурдтай болжээ. 5S цэнэгээ 10 цаг барьдаг бол 6S 14 цагийн чадалтай аж. Харин iPhone 6 plus утас 24 цаг цэнэгээ барина. Урьдын адил найман мегапикселийн камертай ч шинэ мэдрэгчтэй учир фокус тааруулахдаа илүү хурдан юм байна. Хурууны хээ уншигч нь сайжирч, гэрэл муутай орчинд ч зургийг давгүй авдаг болж. Ирэх жил худалдаанд гарах ухаалаг цаг нь эмч, дасгалжуулагчийн үүрэг гүйцэтгэдэг гэж болно. Учир нь зүрхний цохилт хэмжиж, шатаасан илчлэг, хөдөлгөөнийг тооцоолдог байна. Ухаалаг цаг зөвхөн iPhone 5-аас хойших шинэ загвартай холбогддог. Цагийг зэвэрдэггүй ган, хөнгөн цагаан, 18 каратын алтан гадаргуутай гурван төрлөөр үйлдвэрлэнэ. Цагийг зургаан ширхэг оосор, 11 ширхэг сольдог дэлгэц дагалдах юм байна.
Б.ДӨЛ
