Утга зохиолын орчуулгыг шинэ түвшинд гаргах, энэ чиглэлээр ирээдүй хойч үеийг бэлтгэх, тэдний авьяас чадварыг нээн хөгжүүлэх, дэмжих зорилгоор орчуулгын шилдэг бүтээл шалгаруулах уралдаан зарлалаа. Монголын орчуулагчдын эвлэл (МОЭ)-ийн 25 жилийн ойг тохиолдуулан зохиож буй уг уралдаанд утга зохиолын орчуулга хийх хүсэл тэмүүлэл, авьяас чадвартай 18-45 хүртэлх насныхан оролцох боломжтой аж. Оролцогчид дэлхийн утга зохиолын сор болсон үргэлжилсэн үгийн бүтээлүүдээс эх хэлнээ орчуулах юм байна. Уралдаанд хэдэн ч бүтээлээр оролцож болох бөгөөд хамгийн гол нь урьд өмнө монгол хэлнээ хөрвүүлээгүй зохиол байх шаардлагатай гэнэ. Хөрвүүлсэн бүтээлүүдээ ирэх сарын 10-ны дотор МОЭ-ийн байранд болон mongol.translators@gmail.com цахим хаягаар илгээж болох аж.
Өчигдрөөс илүү маргаашийг
бүтээхийн төлөө
