ЮНЕСКО-гийн Дэлхийн соёлын өвийн жагсаалтад Бурхан Халдун уулыг бүртгүүлэхээр болж материалаа бүрдүүлэн илгээсэн тухай бид өмнө нь мэдээлсэн. Тэгвэл ирэх жилийн зургадугаар сард болох эл хурлаар мөн Хэнтий аймгийн Өмнөдэлгэр сумын нутагт орших Балдан Бэрээвэн хийдийг бүртгэх эсэх тухай хэлэлцэх аж. 2012 оноос эхлэн ССАЖЯ болон холбогдох албаныхан энэ хийдийн тухай мэдээллийг цуглуулж, ЮНЕСКО-д илгээсэн аж. Үүнтэй холбогдуулан өнгөрсөн долоо хоногт Балдан Бэрээвэн хийдэд бэсрэг наадам зохион байгуулж, овооны тахилга хийжээ.
Балдан Бэрээвэн хийд нэгэн цагт 8000 ламтай, Монголын зүүн жигүүн шашин номын төв болсон газар байсан гэдэг. Хийдийн суурийг 1777 онд тавьж, 1813 онд Их Цогчин дуганыг нь байгуулжээ.
