Австралийн эрдэмтэд акулын дайралтад өртсөн хүмүүсийн талаар судалгаа хийхэд сонирхолтой дүн гарчээ. Тэдний дүгнэлтээр акул эрчүүдийг илүүд үздэг гэнэ. Профессор Дэрил Макфи “Австрали, Америк, Өмнөд Африкт акулын дайралтад өртсөн 1100 гаруй хүнээс 85 нь нас барсан бөгөөд тэд бүгд эрэгтэй байжээ. Үүнээс гадна зарим тохиолдолд далайн “мангас” олзоо идэхээс илүүтэй наадаж, зугаацаж байсан бөгөөд мөн л дийлэнх нь эрчүүд байж таарсныг судалгаагаар тогтоосон. Тэгэхээр акул эрчүүдийг өөрөөр хэлбэл хүч чадалтайг нь сонгодог байх магадлалтай” гэжээ.
