“Реал”-ын 32 гоолыг тооцоогүй

Испанийн Ла лигт VAR технологийг ашиг­лаж эхэлснээс хойш “Реал” баг хамгийн их “хэл­мэгд­жээ”. Тодруулбал, тус багийн оруулсан 32 гоолыг отон тоглолт гэж үзээд тооцоогүй аж. Харин тэдний ард 18 гоолоо тооцуулаагүй “Севилья”, 17 гоолоо хасуулсан “Атлетико” баг бичигдэж байна. 
Хамгийн сүүлд гэхэд ням гарагт болсон “Лас-пальмас”-ын эсрэг тоглолтын явцад “Реал”-ын К.Мбаппе, Ж.Беллингем, Ф.Вальварде нарын оруулсан гурван ч гоолыг шүүгч VAR үзсэний дараа тооцсонгүй. Гэхдээ уг тоглолтод “эзэн хааны баг” 4:1-ийн харьцаатай өрсөлдөгчөө ялсан юм.
Эцэст нь өгүүлэхэд, тус багийн дасгал­жуу­лагч К.Анчелотти энэ улирлыг дуусгаад багаа ор­хино гэдгээ мэдэгдсэн талаар Испанийн хэв­лэлд бичиж эхэлжээ.

Э.Манлайбаатар