ХАБЭА-н ажилтнуудад зориулсан тусгай энтертайнмент эвент 2024 оны тавдугаар сарын 10-ны баасан гаригт 19.00 цагаас Титэм спорт бааранд зохион байгуулахаар боллоо.
Тодруулбал, ХАБЭА-н ажилтнуудын тусгай эвент Цуглах цэг-1 арга хэмжээ нь соёл урлагаар дамжуулан хөдөлмөрийн аюулгүй байдал эрүүл ахуйн мэдлэг ойлголтыг иргэд олон нийтэд түгээх зорилгоор эхлүүлж буй арга хэмжээ юм. Энэхүү арга хэмжээ нь анх удаа зохиогдож буй бөгөөд ХАБЭА-н ажилтнуудын дунд зохион байгуулж буй энтертайнмент үйл ажиллагаа гэдгээрээ онцлогтой.
Үүний зэрэгцээ ХАБЭА-н ажилтан хайж буй компаниуд ажлын байрны зар мэдээллийг түгээх, ажлын ярилцлага зэргийг товлох боломжтой. Ярилцах боломжийг гаргаж дөрвөн кабин бэлтгэсэн аж. Мөн дэмжигч байгууллагын ХАБЭА-н сургалтын 100%, 20% хөнгөлөлтийн эрхийн бичгийг сонголт хийж бэлэглэнэ. Нэг байгууллага эрсдэлтэй ажлын байрны сургалтыг 20% хөнгөлөлттэй авах эрхийг байгууллагуудад бэлэглэнэ. Мөн хоёр хүнд олон улсын стандартын сургалтын байгууллагаас дотоод аудиторын сургалтын эрхийн бичиг өгч буй. Эвент дундуур ХАБЭА-тай холбоотой видео контентод ашиглагдах видео бичлэгүүд хийгдэх бөгөөд ХАБЭА-н ажилтнуудын зүгээс өгч буй зөвлөгөө мэдээллийг боловсруулан сошиал орчинд түгээх юм. Уран бүтээлчдийн хувьд REGGAE дуучин Rastaman JiiJah, Comedian Бээгий, Залуу дуучин Баярчимэг, Дуучин Алтаннар, Cover дуучин Тэмка нар урилгаар оролцож байна.
Олон улсын хөдөлмөрийн байгууллагаас жил бүрийн дөрөвдүгээр сарын 28-ны өдрийг “Ажлын байран дахь хөдөлмөрийн аюулгүй байдал, эрүүл ахуйн дэлхийн өдөр“ болгон олон улсын хэмжээнд тэмдэглэж байхаар 2003 онд шийдвэрлэсэн байдаг.
Манай Улс 2012 оноос эхлэн хөдөлмөрийн аюулгүй байдал, эрүүл ахуйн сарын аяныг өрнүүлж, тус аяны хүрээнд хууль тогтоомжийг сурталчлах, үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, ажилтны эрүүл мэндийг хамгаалах, ажлын байрны соёлыг төлөвшүүлэх, сургалт сурталчилгаа зохион байгуулах зэрэг олон арга хэмжээ зохион байгуулсаар ирсэн.
