Өнөөдөр гадаа -7 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
12 дугаар сарын 1-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 334 дахь өдөр бөгөөд он дуусахад 31 хоног үлдлээ.
- Цаг агаар өдөртөө -7 хэмийн хүйтэн бол шөнөдөө -22 градус хүйтэн байх нь ээ.
- Билгийн тооллын 26, Тугчин одтой, хар морь өдөр. Өдрийн наран 8 цаг 19 минутад мандан, 17 цаг 02 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйл хийхэд хянамгай хандаж биеэ энхрийлүүштэй. Эл өдөр буян номын үйлийг эхлүүлэх, дээдсээс халамж хүсэх, лам хуврага болох, багш шавьд барилдах, номын авшиг авах, шинэ гэр байр авах, гарагийг тахих, гэр байшингийн суурь тавихад сайн. Гэр бүрэх, хэрүүл тэмцэл хийх, улаа гаргах, хяншуу хярвас гаргахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал жаргал ирнэ.
- “Уран уургач” валют арилжааны төвд ам.долларын авах ханш 2,851.00 төгрөг, зарах нь 2853.00 төгрөг байна. Харин рублийн авах ханш 36.60, зарах ханш 39.00, юанийн авах ханш 446.50, зарах ханш 447.30, вонийн авах ханш 2.41, зарах ханш 2.43 төгрөг байна.
Өнөөдөр болох онцлох үйл явдлууд:
- 9.00 цагт “VELOX” оффист эрүүл мэндийн салбарын мэдээ, мэдээлэл бэлтгэн түгээж буй сэтгүүлч нарын “Илүү сайн маргаашийн төлөө” санал солилцох уулзалт болно. Утас: 99106580
2. 10.00 цагт "Сити" их сургуульд Германы найруулагч, театрын онолч, жүжгийн зохиолч Бертольд Брехтийн уран бүтээл, онол туурвилын тухай “Б.Брехт: Шүлэг найрагч, ярилцлага, нийтлэл, хэлсэн үг” номын нээлт, “Театрын урлагийн шинэчлэл ба Б.Брехтийн хэл” эрдэм шинжилгээний хурал, “Б.Брехтийн он цаг” зургийн үзэсгэлэнгийн нээлт болно.
3.11.00 цагт Төрийн ордонд Төрийн байгуулалтын байнгын хороо хуралдана.
4. 11.00 цагт "Монгол ньюс" мэдээллийн төвд Монголын тариаланчдын үндэсний холбооноос 2021 оны ургац хураалтад тулгамдаж байгаа асуудлын талаар мэдээлнэ.
5. 11.00 цагт С.Зориг агсны хөшөөний урд байрладаг Ардчилсан намын байранд тус намын 30 ойн баярын хүрээнд хийх ажлаа танилцуулна. Утас: 99221368
6. 14.00 цагт Шангри-Ла зочид буудалд “Улаанбаатар хот: Хөгжлийн чиг хандлага” хурал болно.
Энэ өдөр дэлхийн түүхэнд:
- 1985 оны энэ өдөр Америкийн жүжигчин Кейли Куоко мэндэлжээ.
- Мөн 1984 оны энэ өдөр Нидерландын хөлбөмбөгчин Найжел Де Йонг мэндэлжээ.
- 1982 онд Майкл Жексоны хоёр дох соло албум болох "Thriller" цацагджээ. Тус цомог нь бүх цаг үеийн хамгийн их борлуулалттай цомгоор шалгарсан байна.
- 1995 онд Америк болон Иракийн дайн албан ёсоор дуусчээ.
- 1966 онд Барбарос Их Британиас салан тусгаарлажээ.
