Өнөөдөр гадаа -2 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дугаар сарын 18-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 322 дахь өдөр бөгөөд он дуусахад 43 хоног үлдлээ.
- Цаг агаар өдөртөө -2 хэм хүйтэн бол шөнөдөө -10 градус хүйтэн байх нь ээ.
- Билгийн тооллын 4. Лхагва гараг. Суулга одтой, зургаан цагаан мэнгэтэй, хөхөгчин үхэр өдөр. Өдрийн наран 8 цаг 01 минутад мандан, 17 цаг 13 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал жатгыг буцаах, газар лусын зан үйл хийх, өр дарагдуулах, буг дарах, газрын ам бооход сайн. Ургаа мод тарих, байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой.
- Үс шинээр засуулах, засуулахад жаргал ирнэ.
- “Уран уургач” валют арилжааны төвд ам.долларын авах ханш 2,849.00 төгрөг, зарах нь 2852.00 төгрөг байна. Харин рублийн авах ханш 39.50, зарах ханш 40.30, юанийн авах ханш 445.50, зарах ханш 446.70, вонийн авах ханш 2.39, зарах ханш 2.40 төгрөг байна.
Өнөөдөр болох онцлох үйл явдлууд:
- 10 цагт Оросын Шинжлэх Ухаан Соёлын Төвд “Хүүхэд ба ном” арга хэмжээ болно. Арга хэмжээнд хүүхдийн зохиолч уран бүтээлчид, хүүхдийн ном эрхлэн гаргагч байгууллага, ЕБС, СӨБ-ийн багш, 12-оос дээш насны сурагчид оролцоно.
- 9.00 цагт Үндэсний номын санд “Үнэт ховор номын музей” үзэсгэлэн, “Монгол толь” аппликейшний нээлт, “Монголчуудын бичиг үсгийн дурсгал” цуврал контентын танилцуулга болно. Утас: 89098515
- 9.00 цагт Баянхошуу дэд төвийн Бизнес инкубатор төвд барилгын салбарын чадавхыг нэмэгдүүлэх зорилготой “Ногоон барилга, түүний үнэлгээний системүүд EDGE Ногоон барилгын программ хангамж, стандарт, үнэлгээний систем” форум болно. Утас: 88104671, 99086836
- 9.00 цагт "Сити" их сургуульд "Үндэсний кино бүтээл нийлүүлэлтийг телевиз, радио, цахим орчинд нэмэгдүүлэх" судалгааны хэлэлцүүлэг болно.
- 9.00 цагт "Шангри-Ла" зочид буудалд "Орон сууц ба Санхүүжилт" хэлэлцүүлэг болно.
- 9.00 цагт Улсын гуравдугаар төв эмнэлэгийн хурлын танхимд “Бие бялдар сэргээн засах нийгэмлэгийн 10 жилийн ойн хурал зөвлөлгөөн” болно. Утас: 88106968
- 10.00 цагт Төрийн ордонд УИХ-ын чуулганы нэгдсэн хуралдаан болно.
- 10.00 цагт Улаанбаатар дахь Русский домд “Соёлын бүтээлч сар”-ын "Сэтгэл ариусгах урлаг буюу урлаг, соёл, гэгээрлийн долоо хоног"-ийн хүрээнд "Хүүхэд ба ном" үйл ажиллагаа болно.
- 11.00 цагт ШУА-ийн байранд тус академийн 60 жилийн ойд зориулсан Хүндэтгэлийн их чуулган болно. Утас: 98119897, 99717977
- 11.00 цагт "Туушин" зочид буудалд Монгол, Унгарын бизнес эрхлэгчдийн хамтран ажиллах боломжийг бүрдүүлэх зорилго бүхий "Унгарын хөдөө аж ахуй" форум болно.
- 11.00 цагт АН-ын байранд НИТХ-ын төлөөлөгч М.Тулгат цаг үеийн асуудлаар мэдээлнэ.
- 14.30 цагт ХБНГУ-ын ЭСЯ-нд Монгол-Германы Орхон археологийн судалгааны багаас “Хархорум” ном хүлээлгэн өгөх ёслол, хэвлэлийн болно. Утас: 99095462, 95950969
Энэ өдөр дэлхийн түүхэнд:
- 1558 оны энэ өдөр Хатан хаан Элизабет Английн хаан ширээнд суув.
- 1796 оны энэ өдөр Наполеон Бонапарт Альпийн голын ойролцоо Италийн армийг ялав.
- 1789 оны энэ өдөр АНУ Үндсэн хуулиа батлав. Энэ нь түүхэнд дэлхийн анхны Үндсэн хууль хээмээн тэмдэглэгдсэн байдаг.
- 1862 оны энэ өдөр Америкийн Холбооны генерал Амброуз Бернсэд "Фредериксбург цэргийн ажиллагаа"-г эхлүүлэхээр Вашингтоноос хойд зүгт цэргээ төвлөрүүлэв.
- 1869 оны энэ өдөр Суэцийн суваг албан ёсоор нээгдэв.
- 1877 оны энэ өдөр Хаант Оросын цэрэг Арменийн Карс хотод Туркийн армийн эсрэг шөнийн довтолгоог хийлээ.
- 1913 оны энэ өдөр Анхны хөлөг онгоц Атлантын болон Номхон далайг холбодог Панамын сувгаар дамжив.
- 1918 оны энэ өдөр Герман Улс Брюсселээс цэргээ татлаа.
- 1941 оны энэ өдөр Германы нисэх хүчний генерал Эрнст Удет амиа хорложээ. Нацистын Засгийн газар түүнийг нислэгийн ослоор нас барсан гэж олон нийтэд мэдээлэв.
- 1951 оны энэ өдөр Их Британи Улс дэлхийн анхны цөмийн цахилгаан халаалтын системийг суурилуулсан орон болжээ.
- 1970 оны энэ өдөр Зөвлөлтийн нисгэгчгүй Луна 17 робот саран дээр газардав.
- 1989 оны энэ өдөр Чехсловакийн Прага дахь оюутны жагсаалыг цагдаа нар хүчээр тарааж, Коммунист Засгийн газрыг унагах бослогод хүргэв.
- 1993 оны энэ өдөр АНУ-ын Төлөөлөгчдийн танхим Хойд Америкийн чөлөөт худалдааны хэлэлцээр байгуулах тогтоолыг баталлаа.
