Өнөөдөр гадаа 2 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдугаар сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 316 дахь өдөр бөгөөд он дуусахад 49 хоног үлдлээ.
- Цаг агаар өдөртөө 2 хэмийн дулаан бол шөнөдөө -14 градус хүйтэн байх нь ээ.
- Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Өвлийн тэргүүн шарагчин гахай сарын шинийн 8. Сугар гараг. Тооно одтой, долоон улаан мэнгэтэй, хөх хулгана өдөр. Өдрийн наран 7 цаг 54 минутад мандан, 17 цаг 19 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, хүүхэд үрчлэн авах, хур оруулах, дархны үйлд сайн. Улааны үйл, төлгө тавих, морь уралдах, хиншүү хярвас гаргахад муу. Үс засуулбал, нас уртасна.
- Валют арилжааны төвд ам.долларын авах ханш 2,852.00 төгрөг, зарах нь 2854.00 төгрөг байна. Харин рублийн авах ханш 40.00, зарах ханш 41.00, юанийн авах ханш 445.00, зарах ханш 445.50, вонийн авах ханш 2.39, зарах ханш 2.40 төгрөг байна.
Өнөөдөр болох үйл явдлууд
- 11. 00 цагаас Соёлын яамны харьяа Чингис хааны өв, соёлын хүрээлэн "Бидний бахархал-Монголын нууц товчоон" хүүхдийн гар зургийн үзэсгэлэнг зохион байгуулна. Bluemon төвийн 1 давхарт Norphei галлерейд болно.
- 12.00 цагаас Даяар Монгол хөдөлгөөн, хөх монгол бүлгэмээс өнөөгийн тэмцэгчдийн талаар мэдээлэл хийнэ. "Монгол ньюс" мэдээллийн төвд болно.
- 10.00-12.00 цагт Гандантэгчэнлин хийдийн Батцагаан дуганы А танхимд “БУДДЫН ШАШИН БА АРХЕОЛОГИ” эрдэм шинжилгээний хурал болох тул сэтгүүлчид, хэвлэл мэдээллийн байгууллага та бүгдийг хүрэлцэн ирэхийг урьж байна.
- ШУА-ын Судар бичгийн хүрээлэн, ШУА-ын Хэл зохиолын хүрээлэнгийн 100 жилийн тэгш ойг тохиолдуулан эрдэмтдийн бүтээлийг 50 хувиар хямдруулж борлуулна.
Энэ өдөр дэлхийн түүхэнд:
- 1984 оны энэ өдөр БНСУ-ын алдарт охидын 2ne1 хамтлагын гишүүн Dara (Sandara Park) мэндэлжээ.
- Өнөөдөр Дэлхийн уушгины хатгалгааны эсрэг өдөр
- Мөн Зүүн Тимор улсад Залуусын эрхийг хамгаалах үндэсний өдөр тохиож байна.
- 1996 онд Саудын Арабын Boeing 747 онгоц Казакын Ilyushin Il-76 онгоцтой мөргөлдөж, 349 хүн амь насаа алджээ.
- 1990 онд Японы угсаа залгамжлах хунтайж Akihito албан ёсоор эзэн хаан болж, тус улсын 125 дахь эзэн хаанаар өргөмжлөгджээ.
- 1990 онд Английн инженер, эрдэмтэн Tim Berners-Lee албан ёсоор World Wide Web буюу WWW-г нэвтрүүлжээ.
